Сёння ў Мінску, Віцебску і Магілёве чакаецца дождж, але зноў неймаверна душна

Невялікі дождж прагназуюць сіноптыкі сёння ў паласе Мінска і Магілёва. Пры гэтым захаваецца гнятлівая духата. У Магілёве плюс 31, Віцебску і Гомелі плюс 32, Гродне і Мінску плюс 33, Брэсце — плюс 34.

Заўтра, у чацвер, з паўночнага захаду на Беларусь нарэшце наплыве трохі халаднейшае паветра.

У Гродне тэмпература знізіцца да плюс 26.

У Віцебску таксама стане плюс 26 і пройдзе некалькі моцных дажджоў.

У Магілёве ў чацвер плюс 30, але ў пятніцу плюс 25 і дождж.

У Мінску ў чацвер плюс 29 і дождж, а ў пятніцу — плюс 26.

Але на поўдні тэмпературы будуць усё яшчэ высокімі. У чацвер у Брэсце прагназуецца плюс 30 і навальніца, у пятніцу плюс 29.

У Гомелі ў чацвер плюс 32, а ў пятніцу — 30.

СГ

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0