Найти
12.07.2022 / 11:48РусŁacБел

Семь подкастов по-белорусски для тех, кто хочет слушать свое

Если вы соскучились по белорусскоязычному аудиоконтенту, предлагаем вам на выбор семь подкастов. Мы старались выбирать незакинутые проекты, которые еще могут порадовать новыми выпусками.

Фота: pixabay.com

«Забі зяпу»

Папулярны (4,5 тысячы падпісчыкаў у інстаграме) падкаст пра, цытуем, «складаную рэальнасць, якая звалілася на ўсіх нас». Назва яго мае сумны сэнс: «забі зяпу» — грубая просьба замоўкнуць. Як кажуць аўтары праекта, гэта тыя словы, якія часам прыходзіцца чуць у свой адрас беларускамоўным людзям.

Падкаст вядуць маладзёны Даша і Уладзь, якія некалі разам вучыліся ў ліцэі БДУ, разам паступілі ў маскоўскую Вышэйшую школу эканомікі і зноў-такі разам пачалі гутарыць па-беларуску. У падкасце яны трэніруюць родную мову праз пошук адказаў на важныя для ўсіх пытанні: гутараць пра сорам, талент, веру, праблемы ў адносінах і эміграцыю.

Шукайце падкаст тут.

«Беларускія байкі»

Гэты праект вядзе прафесар ЕГУ Аляксандр Калбаска. Спадар Аляксандр запісвае яго для сваёй далёкай унучцы, што жыве разам з бацькамі ў Італіі.

У выпусках, памер якіх рэдка перавышае 20 хвілін, аўтар распавядае розныя гісторыі пра рэчы, людзей і падзеі, так ці інакш звязаныя з Беларуссю. Апошні на сёння выпуск, напрыклад, прысвечаны Салаўкам ды Беламорканалу. Ёсць тут гісторыі пра Каляды і святога Мікалая, дранікі і піва, Хаіма Суціна і Язэпа Драздовіча і нават пра Санцьяга дэ Кампастэла (ведаеце, як гэты шлях звязаны з Беларуссю?). 

Адзін з самых доўгіх выпускаў (37 хвілін) прысвечаны разбітаму сэрцу Тадэвуша Касцюшкі і яго прыгодам. Шукайце гэты і іншыя эпізоды праекта тут.

Slodky Stony

Гэты відэападкаст робіць беларуская ютуб-зорка Мікіта Мелказёраў, вядомы па каналу з відэаінтэрв'ю «Жыццё-маліна». Калі шукаеце цалкам беларускамоўны праект, магчыма, гэта не для вас: тут за родную мову адказвае толькі Мелказёраў, гасцям жа дазволена гаварыць на любой мове.

Але ж і госці тут як на падбор. Зараз даступныя пяць серый праекта (паглядзець іх можна тут), дзе з Мікітам гутараць арганізатарка жаночых маршаў — 2020 Наста Касцюгова, топавая піяршчыца Таццяна Курбат, кіраўнік BySol Андрэй Стрыжак, культуролаг Максім Жбанкоў і грамадская дзяячка Ніна Шыдлоўская.

«Тэхнавука»

Маленькі, але дужа цікавы беларускамоўны падкаст пра тэхналогіі, навуку і космас, дзе вам раскажуць пра ўсе магчымыя навіны навуковага і тэхналагічнага свету. Тут і эпапея з купляй Іланам Маскам Твітара, і фота чорнай дзіркі, і смерць чалавека з перасаджаным свіным сэрцам, і нават гісторыя са штучным інтэлектам, які нібыта ажыў у сценах Google.

Зараз дасяжныя чатыры выпускі праекта — спадзяемся, што неўзабаве іх будзе больш. Знайсці спасылкі на падкаст можна тут

«Шляхецкія сем’і Беларусі»

Гэты падкаст разам робяць інтэрнэт-часопіс 34mag.net і МТС. У іх атрымаўся праект пра самыя вядомыя шляхецкія беларускія роды: Сапегі, Радзівілы, Агінскія, Пуслоўскія. Раскажуць нам і пра спадчыну, якую кожная з гэтых сем'яў пакінула Беларусі.

Выпускі «Шляхецкіх сям'яў» прадстаўленыя на рускай і беларускай мовах, даўжыня — да 15 хвілін. На сёння выйшла шэсць эпізодаў падкасту, знайсці іх можна па спасылцы.

«Доктар Мартаў. На вайне з COVID-19»

На сайце «Радыё Свабода» ёсць досыць падкастаў на любы жыццёвы выпадак: пра гісторыю краіны, жаночы погляд на падзеі, падарожжы, мову, аўдыякнігі і іншае. Сёння згадаем асабісты праект, які вядзе доктар-рэаніматолаг Уладзімір Мартаў з Віцебска, хто адным з першых беларускіх медыкаў распавёў праўду пра становішча з кавідам у краіне.

Адпаведна, падкаст медыка — гэта аповед пра першую хвалю кавіду, створаны з накідаў будучай кнігі Мартава пра тыя падзеі. Зараз выходзіць другі сезон праекта, які распавядае ўжо пра другую палову 2020 года і пра паслявыбарчы час. Паслухаць падкаст можна па спасылцы.

VANDRA

З надыходам пандэміі, як тлумачаць аўтары гэтага праекта, беларусы пачалі больш цікавіцца роднымі мясцінамі, але ж усё роўна шмат чаго застаецца невядомым. Для таго, каб распавесці пра ўсё гэта, і створаны падкаст VANDRA — гісторыя пра турызм у Беларусі, спадчыну нашай краіны, беларускую прыроду і людзей.

Тут ёсць выпускі як на рускай мове, так і па-беларуску. Звярніце ўвагу на эпізоды падкаста пра палескія гісторыі, драўляную спадчыну Беларусі і аўтастоп па роднай краіне — здаецца, з такім крэатывам пра айчынны турызм рэдка расказваюць. Шукайце эпізоды праекта тут.

«Наша Нiва» — бастион беларущины

ПОДДЕРЖАТЬ

«Беларускую мову не трэба рабіць сэксі — яна ўжо такая». Парады ад тых, хто пачаў размаўляць па-беларуску 

Мікіта Мелказёраў запусціў відэа-падкаст па-беларуску з інтрыгоўнай назвай

Nashaniva.com

Хочешь поделиться важной информацией
анонимно и конфиденциально?

Клас
Панылы сорам
Ха-ха
Ого
Сумна
Абуральна
Чтобы оставить комментарий, пожалуйста, включите JavaScript в настройках вашего браузера
Чтобы воспользоваться календарем, пожалуйста, включите JavaScript в настройках вашего браузера