Azaronku nabili pysu
Novymi skandałami abrastaje konkurs “Eŭrabačańnia”.
Novymi skandałami abrastaje konkurs “Eŭrabačańnia”, dakładniej, biełaruski ŭdzieł u im. Jak paviedamlaje internet-servis news.mail.ru, paśla pieršaj repetycyi Dźmitryja Kałduna pra niešta paspračalisia siabar i pradziuser śpievaka Filip Kirkoraŭ i kiraŭnik biełaruskaj delehacyi Jury Azaronak. I Kirkoraŭ, nia doŭha dumajučy, daŭ jomkuju poŭchu namieśniku staršyni BT. Azaronak uznačalvaje biełaruskuju delehacyju na eŭrapiejskim pop-konkursie.
Nibyta sprava była ŭ artyście z kirkoraŭskaj padtancoŭki — jana absłuhoŭvaje Kałduna. Tancor prychvareŭ, i pradziuser chacieŭ adpravić jaho ŭ bolnicu. A Azaronak nia daŭ svajoj mašyny — z delehacyi jon adzin maje ŭ rasparadžeńni koły.
Minułaje vykarystańnie rasiejskich hrošaj dla zabieśpiačeńnia biełaruskaha ŭdziełu ŭ “Eŭrabačańni” (Lika Ahurbaš) pryviało da pravału. Sam Kirkoraŭ u svoj čas taksama vystupiŭ na “Eŭrabačańni” biaz pośpiechu.
Kaliści Azaronak užo zarabiŭ adnu smačnuju aplavuchu — ad Mikoły Statkieviča, jaki ŭrezaŭ režysioru za film “Dzieci chłuśni”, u jakim toj taptaŭsia pa biełaruskim nacyjanalnym ruchu, histaryčnym ściahu j hierbie.
