Za hrašovyja pieravody i pieradačy palitviaźniam žycharcy Bresta pahražaje 7 hadoŭ turmy
Brescki abłasny sud z 2 lipienia razhladaje kryminalnuju spravu palitźniavolenaj Iryny Bandarenki, jakuju vinavaciać u «sadziejničańni ekstremisckaj dziejnaści». Spravu razhladaje sudździa Dźmitryj Kuroŭski, piša Radyjo Svaboda
Pavodle artykuła 361-4 Kryminalnaha kodeksa Biełarusi žančynie pahražaje da 7 hadoŭ źniavoleńnia.
Irynie Bandarency bolš za 50 hadoŭ. Žančyna sa svajoj inicyjatyvy akazvała hrašovuju dapamohu źniavolenym bresckaha SIZA, taksama pierasyłała im charčovyja pieradačy. U 2023 hodzie Irynu Bandarenku niekalki razoŭ zatrymlivali, ale adpuskali, paźniej pačali vyklikać na dopyty ŭ Śledčy kamitet.
«Viedała, što mohuć pasadzić, na dopyty chadziła z torbaj rečaŭ, ale spadziavałasia, što ŭsio abydziecca. Nie atrymałasia», — raskazaŭ pra Irynu Bandarenku jaje znajomy.
Pavodle jaho słoŭ, paśla vykliku na dopyt 26 krasavika žančyna damoŭ nie viarnułasia, sama trapiła ŭ śledčy izalatar. Padčas znachodžańnia ŭ SIZA listy ad jaje nie dachodzili.
Biełaruskija pravaabaroncy pryznali Irynu Bandarenku palitźniavolenaj.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)