Kartki niekatorych bankaŭ zaraz možna chutka zabłakavać praź śpiecyjalnuju sistemu
Klijenty niekalkich bankaŭ ciapier zmohuć apieratyŭna zabłakavać svaju apłatnuju kartu z dapamohaj aŭtamatyzavanaj sistemy Interactive Voice Response (IVR). Takaja infarmacyja źjaviłasia na sajcie Bankaŭskaha pracesinhavaha centra.
Z 28 červienia opcyja dastupnaja klijentam Biełarusbanka, Biełahraprambanka, Parytetbanka, BSB Banka, Banka «Rašeńnie», BTA Banka i Cepter Banka.
Kab zabłakavać kartu biez čakańnia i złučeńnia sa śpiecyjalistam, treba patelefanavać pa numary + 375 (17) 299-25-26. Telefanavańnie pavinna być z mabilnaha telefona, jaki ŭkazany ŭ ankiecie banka padčas afarmleńnia karty.
Paśla hetaha spatrebicca ŭvieści apošnija čatyry ličby numara kartki.
U vypadku, kali vy niapravilna ŭviedziacie ličby z karty, IVR złučyć trymalnika sa śpiecyjalistam słužby servisu klijentaŭ. Taki ž ałharytm i pry błakavańni pa pryčynie niasłušnaha naboru PIN-koda.
