«Siońnia jasna, što ŭ habrejaŭ u Francyi niama budučyni». Hałoŭny rabin Paryža zaklikaŭ habrejaŭ zjazdžać z Francyi
U pieršym tury pazačarhovych parłamienckich vybaraŭ u Francyi pieramahła ŭltrapravaja partyja «Nacyjanalnaje abjadnańnie». Na druhim miescy — krajnie levy «Novy narodny front». Jak adznačaje BILD, pahrozaj dla habrejaŭ mohuć stać jak pravyja nacyjanalisty, tak i ŭltralevyja, jakija padtrymlivajuć isłamistaŭ i nienavidziać Izrail.
Hałoŭny rabin Strasburha hladzić na apahanienyja habrejskija mohiłki, 4 śniežnia 2019 hoda. Fota: AP Photo / Jean-Francois Badias
«Siońnia jasna, što ŭ habrejaŭ u Francyi niama budučyni, — skazaŭ haziecie Jerusalem Post hałoŭny rabin Vialikaj sinahohi Paryža Moše Siebah. — Ja raju kožnamu maładomu čałavieku zjazdžać u Izrail ci ŭ bolš biaśpiečnuju krainu. Mnohija habrejskija siemji raniej nie mahli i padumać hałasavać za «Nacyjanalnaje abjadnańnie», ale ŭ apošni čas levyja stali antysiemitami. Habrei apynulisia pasiaredzinie i nie viedajuć, chto ich bolš nienavidzić», — skazaŭ jon.
Pa słovach Siebaha, levyja padtrymlivajuć masavuju imihracyju ŭ Francyju. Ale mnohija mihranty, asabliva musulmanie, nie hatovyja stanavicca častkaj francuzskaha hramadstva. Siarod ich mocnyja antysiemickija nastroi, piša BILD.
Čytajcie taksama:
«Makron kinuŭ Francyju pad aŭtobus». Što piša presa pra vybary ŭ Francyi i ich pieršyja vyniki
Apublikavanyja aficyjnyja vyniki vybaraŭ u Francyi
U Paryžy paśla abnarodavańnia vynikaŭ ekzitpołaŭ tysiačy ludziej vyjšli na vulicy
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)