Biełarus zapłaciŭ 80 jeŭra za chutki pierachod miažy. Ni hrošaj, ni chutkaha pierasiačeńnia
«Čarha była nastolki vialikaja, što ja pieravioŭ hrošy».
Čarha pamiž Brestam i Tarespalem. Skrynšot videa
Mužčyna zapłaciŭ 80 jeŭra za toje, kab prajechać miažu biez čarhi, a ŭ vyniku i hrošy straciŭ, i ŭ čarhu daviałosia stać. Svaju historyju jon raspavioŭ u čacie pa pierasiačeńni miažy, kab papiaredzić inšych nakont ašukanca, piša «Lusterka».
Na złamyśnika naš suajčyńnik vyjšaŭ, kali pacikaviŭsia mahčymaściu kupli miesca ŭ čarzie na polska-biełaruskaj miažy.
«Niekalki čałaviek skinuli mnie akaŭnt adnaho i taho ž čałavieka i zapeŭnili, što jon dzieści tam pracuje, ź im źviazacca i jon dapamoža pierajechać», — padzialiŭsia biełarus.
Mužčyna napisaŭ «rašału» ŭ telehram. Toj zapeŭniŭ, što «ŭsio budzie», ale «paprasiŭ pieravieści 80 jeŭra pa bieznajaŭnym raźliku».
«Mianie heta źbiantežyła, ale čarha nastolki vialikaja, što ja pieravioŭ», — raspavioŭ biełarus.
Jak tolki mužčyna skinuŭ złamyśniku paćvierdžańnie pieravodu, toj pierastaŭ adkazvać na jaho paviedamleńni.
«Pišu dla taho, kab inšyja na hetuju schiemu nie vialisia», — patłumačyŭ naš ziamlak, vykłaŭšy skrynšoty pierapiski z ašukancam.
Pa dadzienych Dziaržpahrankamiteta na 8.00 2 lipienia, vyjezdu ź Biełarusi ŭ Polšču čakajuć 200 lehkavikoŭ i 55 aŭtobusaŭ.
Z polskaha boku miažy čas prajezdu ŭ Biełaruś praz punkt propusku «Tarespal» (ź biełaruskaha boku «Brest») składaje 13 hadzin dla aŭto i 4 hadziny dla aŭtobusaŭ, pieradaje sajt mytnaj słužby Polščy.
