Dačce Kačanavaj prapanoŭvajuć schadzić na parad — za 120 rubloŭ premii
U respublikanskim navukova-praktyčnym centry «Maci i dzicia» šukajuć tych, chto pahodzicca schadzić na parad i kancert 3 lipienia. «Naša Niva» daviedałasia, što prapanoŭvajuć supracoŭnikam.
Parad u Minsku
Nie sakret, što naviedvańnie ideałahičnych mierapryjemstvaŭ łukašenkaŭcy davoli časta zabiaśpiečvajuć z dapamohaj pracoŭnych kalektyvaŭ: ludziej zaachvočvajuć premijami ci adhułami.
Zaraz pošukam achvotnych zajmajucca, u tym liku, i ŭ RNPC «Maci i dzicia». Ustanovie achovy zdaroŭja treba adpravić na parad i viečarovy hała-kancert kala abieliska «Minsk — horad-hieroj» ažno 30 čałaviek.
U čacie dla supracoŭnikaŭ źjaviłasia paviedamleńnie:
«Pavažanyja kalehi, na 3 lipienia treba: 15 čałaviek, zbor da 8 ranicy da zakančeńnia parada; 15 čałaviek, zbor 19:50 da zakančeńnia mierapryjemstva. Usie ludzi buduć premiravany (3 bazavyja)».
Atrymlivajecca, košt udziełu ŭ mierapryjemstvie — 120 rubloŭ. Cikava, ci adhukniecca na takuju prapanovu starejšaja dačka Natalli Kačanavaj Volha, jakaja pracuje ŭ RNPC «Maci i dzicia» nieanatołaham.
Čytajcie taksama:
Stała viadoma, jakimi aŭtamabilami vałodajuć Kačanava i siemji jaje dźviuch dačok
Jakija biełaruskija kliniki najbolš zapatrabavanyja ŭ zamiežnikaŭ
Jakija daručeńni daŭ Łukašenka novamu ministru achovy zdaroŭja — heta śmiešna
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)