Chto hety hałkipier-unikum, jaki ŭčora adbiŭ usie try pienalci?
Usie try pienalci — takoha na čempijanatach Jeŭropy nie było nikoli. Ale, pa statystycy, Dyjohu Košta biare kožny treci 11-mietrovy. Za ŭvieś čas z 24 pienalci partuhalec adbiŭ vosiem, i heta ŭnikalnaja statystyka.
Dyjohu Košta. Fota: Petr Josek / AP
Hałkipier «Portu» Dyjohu Košta ličycca adnym z samych darahich bramnikaŭ śvietu. Dyjohu aceńvajecca, jak i Džanłuidžy Donaruma (PSŽ, zbornaja Italii) i Hrehar Kobiel («Barusija» Dortmund, zbornaja Šviejcaryi). Kožny, pavodle Transfermarkt, kaštuje €40 młn. Chto taki Dyjohu Košta i čaho jon damohsia, piša Championat.com.
Dyjohu — adnahodka Donarumy (italjancu ŭžo 25, a ŭvosień 25 spoŭnicca i partuhalcu). Tym nie mienš kali Džydžy debiutavaŭ za asnovu «Miłana» ŭ dalokim 2015-m, to Košta pryjšłosia čakać pieršaha vychadu na pole za «Portu» da vosieni 2019-ha.
Hałkipier abdzieleny, zrešty, nie byŭ: raniej jon uvieś čas hulaŭ za dubl «drakonaŭ» u druhoj partuhalskaj lizie, maładziožku ŭ junackaj ŁČ i zbornyja Partuhalii roznych uzrostaŭ. Tak, u 2016-m Košta staŭ čempijonam Jeŭropy U17 i najlepšym bramnikam svajho ŭzrostu, za šeść matčaŭ prapuściŭšy ŭsiaho tolki adzin miač, i to — u finale ź Ispanijaj. Tady sprava dajšła da sieryi pienalci, i jakraz siejv Dyjohu prynios tytuł.
Razam z Koštam tryumfatarami stali i inšyja ciapier viadomyja futbalisty: Dyjohu Lejte (ciapier ciahnie «Unijon»), Dyjohu Dałot («MIU») i Rafaeł Leau («Miłan»).
U tym ža 2016-m 17-hadovy Dyjohu adyhraŭ dva matčy za zbornuju U19 — jaho kaciravali i na bolš starejšym uzroŭni.
Novy hod — novyja dasiahnieńni. Z kamandaj U19 Košta ŭziaŭ srebra jeŭra i ŭvarvaŭsia ŭ simvaličnuju zbornuju turniru, a sa zbornaj U20 tolki ŭ čverćfinale ČS sastupiŭ Uruhvaju ŭ sieryi 11-mietrovych. U 2018-m Partuhalija z Dyjohu pierasiahnuła papiaredniaje dasiahnieńnie i ŭžo zavajavała čempijanat Jeŭropy (tak, turnir pravodzicca štohod).
Adzin z sejvaŭ Košty va ŭčorašnim matčy. Fota: Antonio Calanni / AP
Byli i pośpiechi na kłubnym uzroŭni: «Portu» z Košta, a taksama ź Vicińjaj (ciapier u PSŽ) i Fabiu Vijejraj («Arsienał») pieramoh u junackaj ŁČ-2018/2019, abyhraŭšy ŭ finale «Čełsi» (3:1) z Konaram Hałachieram i Bili Hiłmaram.
U siezonie-2019/2020 Dyjohu paŭnapraŭna zaniaŭ miesca ŭ asnovie padčas matčaŭ za Kubak Lihi i Kubak Partuhalii, a ŭžo ŭ nastupnym hodzie ŭpieršyniu zhulaŭ u darosłaj ŁČ.
Uletku 2021-ha Košta dabraŭsia sa zbornaj U21 da finału Jeŭra, uvajšoŭšy ŭ jaho simvaličnuju zbornuju. Paśla taho turniru Dyjohu staŭ asnoŭnym i ŭ «Portu», vycieśniŭšy sa składu Ahuścina Markiesina.
Debiut u hałoŭnaj nacyjanalnaj kamandzie taksama byŭ pytańniem času i zdaryŭsia ŭ kancy hoda. Juny hałkipier chutka pierakanaŭ trenierski štab, što lepš za jaho ŭ Partuhalii bramnikaŭ niama, i zavajavaŭ miesca ŭ starcie. Choć kankurencyja ŭ krainie vielmi mahutnaja: jość i Antoni Łopieš z «Lijona», i vieteran Ruj Patrysiu z «Romy», i Ruj Siłva z «Bietysa», i Žose Sa z «Vułvierchemptana».
Na ČS-2022 Košta adyhraŭ usie piać matčaŭ za Partuhaliju, a pierad hetym staŭ dvuchrazovym čempijonam krainy. Ale kali raniej jon byŭ u kłubie dubloram, to ciapier vyras u adnaho z hałoŭnych jaho hierojaŭ: adyhraŭ «nasucha» ŭ 15 sustrečach i byŭ pryznany najlepšym hałkipieram lihi.
U nastupnym siezonie «Portu» ŭžo nie ŭziaŭ zołata, i ŭsio-taki Košta byŭ hetak ža vydatny: prapuściŭ biez uliku pienalci 15 hałoŭ, choć, pa statystycy, pavinien byŭ 22. Darečy, pra 11-mietrovyja. U letašniaj ŁČ Dyjohu ŭstalavaŭ adrazu dva rekordy hałoŭnaha jeŭrakubka, staŭšy pieršym, chto:
— adbiŭ pa chodzie turniru až try ŭdary z «kropki» (dva ad «Bajera» i adzin ad «Bruhie») — pieršym u historyi turniru;
— adbiŭ pienalci i zrabiŭ halavuju pieradaču ŭ adnym matčy — z «Bajeram».
Udumajciesia: 8 adbitych z 24 (heta paśla siońniašniaj sieryi). Heta kožny treci pienalci! Prosta nierealna.
Inšaja supiervartaść Košty — kłasnaja hulnia nahami, pryčym abiedźviuma. Jon vielmi strymany i nie baicca presinhu, piermanientna čakajučy, kali adnakłubniki napieradzie adkryjucca pad pas. Pry rozyhryšy miača jaho možna ličyć paŭnavartasnym centralnym abaroncam, niezdarma Dyjohu časta vybiahaje z štrafnoj i strachuje partnioraŭ.
Pry hetym Košta ŭ poŭnym paradku i pry vykanańni niepasrednych abaviazkaŭ: vałodaje mocnymi refleksami 72,4% siejvaŭ na kłubnym uzroŭni naohuł, a ŭ hetym siezonie — 72,7%. Dla paraŭnańnia: u Edersana («ManSici» ŭ hetym siezonie-70,7%), u Nojera («Bavaryja») — 66,7%, u Raji («Arsienał») — 68,1%. Bolš — u Alisana («Livierpul», 73,4%) i Anany (ManJunajted, 74,9%).
Taksama Košta dobra skaračaje dystancyju i źbivaje z tołku supiernikaŭ vychadami sam-nasam, imhnienna prymajučy viernyja rašeńni.
Vielizarny patencyjał Košty ŭžo daŭno pryciahvaje hrandaŭ:
u listapadzie 2022-ha ŭ «Portu» źviarnuŭsia «Mančestar Junajted», adnak tańniej adstupnych u €75 młn hałkipiera adpuskać nie chacieli;
u červieni «Junajted» zrabiŭ jašče adzin zapyt, pasprabavaŭ źbić canu i znoŭ atrymaŭ admovu, pryjšłosia pieraklučyć uvahu na Andre Ananu;
paralelna z «MIU» ŭ baraćbu za Koštu ŭklučyŭsia «Čełsi», ale partuhalcy adkinuli pieravod patrebnych € 75 młn pa častkach, bo chacieli ŭsiu sumu adrazu.
Usie try varyjanty sarvalisia, tym nie mienš Košta razumieje: jon jašče paśpieje darvacca da top-kłuba: «Hulać za lubimuju kamandu — ščaście i honar. Razmoŭ ab maim mahčymym sychodzie dastatkova, adnak u mianie kantrakt da 2027 hoda», — śćviardžaŭ hulec minułym letam.
Dziela spraviadlivaści, Košta ździajśniaŭ i kašmarnyja pamyłki: samyja hałoŭnyja — u matčach ČS-2022 z Hanaj i Maroka. I ŭsio ž jaho pierśpiektyvy ŭražvajuć, niezdarma ekśpierty ŭžo ciapier staviać jaho ŭ adzin šerah z Donaruma, Kurtua i Mieńjanam.
«Portu» viedaje canu bramniku, i jana zavobłačna vysokaja. Adnak tranśfier Košty ŭ top-lihu rana ci pozna ažyćciavicca, i pry naležnaj ahrancy na novym miescy Dyjohu zdolny na doŭhija hady stać novym Ikieram Kasiljasam.
Darečy pra jaho. Ikier dahulvaŭ u Partuhalii i na svaje vočy naziraŭ za prahresam junaha Dyjohu. Vialiki hałkipier u 2018 hodzie nie saromieŭsia chvalić maładoha kalehu: «Tut uzychodzić sapraŭdnaja zorka. Jaho proźvišča Košta. Dumaju, jon budzie cudoŭnym bramnikam».
Prajšło ŭžo piać hadoŭ, i pakul što prahnoz lehiendy całkam apraŭdvajecca.
Čytajcie taksama:
Dyjohu Košta adbiŭ usie try pienalci i vyciahnuŭ Partuhaliju ŭ čverćfinał
Francyja na Jeŭra-2024 pieramahła Bielhiju i idzie dalej
Bielinhiem paśla matča Anhlija — Słavakija pakazaŭ nieprystojny žest
