Na Viciebščynie vyjavili majsterniu pa vyrabie zbroi
Na Viciebščynie zatrymali dvuch žycharoŭ Połacka, jakija vyrablali i ramantavali ahniastrelnuju i chałodnuju zbroju.
Pavodle pres-słužby milicyi, nielehalnuju majsterniu 65-hadovy mužčyna arhanizavaŭ u sadovym domikui 64-hadovaha znajomaha. Apošni, paviedamlaje milicyja, zajmaŭsia pošukam klijentaŭ, starejšy — niepasredna vykonvaŭ pracy.
U zatrymanych kanfiskavana: šeść samarobnych pistaletaŭ, samarobnaja vintoŭka z pryboram dla biasšumnaj stralby i prycelnym prystasavańniem, čatyry pnieŭmatyčnyja vintoŭki, porach, patrony roznaha kalibru.
Akramia taho, mužčyny zachoŭvali vialikuju kolkaść častak strałkovaj zbroi, 19 palaŭničych nažoŭ samatužnaj vytvorčaści, dva štyk-nažy da aŭtamata Kałašnikava.
Raspačata kryminalnaja sprava za niezakonnyja dziejańni ŭ dačynieńni da ahniastrelnaj zbroi i bojeprypasaŭ. Artykuł praduhledžvaje da 10 hadoŭ pazbaŭleńnia voli.
