Krainu nakryła niepahadź FOTA
Navalnicy z mocnym daždžom i škvalistym vietram, paryvy iakoha dasiahali 20 m/s, stali pryčynaj padzieńnia dreŭ i halin, miescami — abryvu linij elektrapieradačy.
Zaleva ŭ Baranavičach. Fota: bar24by / Telegram
Za minułyja sutki elektrazabieśpiačeńnie parušałasia ŭ 788 nasielenych punktach krainy. Pavodle danych na 7.00, adnaŭlenčyja raboty pradaŭžajucca ŭ 128 nasielenych punktach, paviedamili ŭ Ministerstvie enierhietyki.
Adklučeńni zafiksavany ŭ Minskaj i Viciebskaj abłaściach. Najbolš z-za niepahadzi paciarpieli Połacki, Barysaŭski, Słucki, Ušacki rajony.
Va Ušackim rajonie mocny viecier źnios častku doma — budynak byŭ niedabudavany, tamu abyšłosia biez čałaviečych achviar.
Pad mocnym daždžom prajšła repietycyja parada ŭ Minsku.
Ciahniki spaźniajucca ŭ Minsk na dźvie-try hadziny z-za niepahadzi.
Siońnia ŭ Biełarusi taksama zachoŭvajucca składanyja ŭmovy nadvorja: z-za mocnych daždžoŭ abjaŭleny aranžavy ŭzrovień niebiaśpieki.
