Viarchoŭny sud ZŠA vyrašyŭ, što Tramp vałodaje častkovym imunitetam
Toj nazvaŭ hetaje rašeńnie pieramohaj demakratyi.
Fota: Manuel Balce Ceneta / AP
Viarchoŭny sud ZŠA pastanaviŭ, što były prezident Donald Tramp vałodaje častkovym imunitetam ad sudovaha pieraśledu za dziejańni, učynienyja padčas jaho znachodžańnia ŭ Biełym domie. Heta rašeńnie, vierahodna, adterminuje praces pa abvinavačvańni eks-prezidenta ŭ zmovie z metaj admianić vyniki vybaraŭ 2020 hoda, a taksama moža paŭpłyvać na inšyja spravy suprać jaho, piša Bi-bi-si.
Kansiervatyŭny staršynia Viarchoŭnaha suda Džon Robierts zajaviŭ, što prezident karystajecca «absalutnym imunitetam» ad kryminalnaha pieraśledu za aficyjnyja dziejańni, učynienyja padčas znachodžańnia na pasadzie.
«Na nieaficyjnyja dziejańni imunitet nie raspaŭsiudžvajecca», — skazaŭ Robierts, adpraviŭšy spravu na razhlad u sud nižejšaj instancyi, kab vyznačyć, jakoje z abvinavačvańniaŭ, pradjaŭlenych byłomu prezidentu, adnosicca da aficyjnaha abo nieaficyjnych pavodzin.
Donald Tramp nazvaŭ hetaje rašeńnie pieramohaj demakratyi.
«Vialikaja pieramoha dla našaj Kanstytucyi i demakratyi. Hanarusia, što ja amierykaniec!» — napisaŭ jon u svajoj sacsietcy Truth Social kapsłokam.
Čytajcie taksama:
Tramp upeŭniena pieramoh Bajdena na debatach
Pryčynaj pravału Bajdena na debatach moh stać čas, u jaki hetyja debaty pravodzilisia
Amierykanskija ŚMI nazvali, chto moža pierakanać Bajdena vyjści z prezidenckaj honki
