Paśla rekanstrukcyi adkryli novuju darohu ź Minska ŭ Žodzina
Paśla rekanstrukcyi adkryli ŭčastak darohi R-53 ad Smalavičaŭ da Žodzina. Ciapier daroha tudy ź Minska stała čatyrochpałosnaj, paviedamlaje Mintrans.
Fota: mintransbelarus
Premjer-ministr Raman Hałoŭčanka raskazaŭ, što dalej hetuju darohu buduć praciahvać ad Žodzina da Barysava. Raboty zavieršać u 2026 hodzie. Padčas rekanstrukcyi vykarystoŭvajuć daŭhaviečnaje cemientabietonnaje pakryćcio.
U 2024 hodzie taksama rekanstrujujuć učastak darohi M-3 ad Łahojska da Pleščanic, pałovu ŭčastka R-46 ad Lepiela da Połacka z boku Połacka, abjaznuju darohu kala Lidy, a taksama skončać kapitalny ramont R-46 ad Połacka da miažy z Rasijaj.
Pavodle słoŭ Hałoŭčanki, u 2023 hodzie ŭ krainie adramantavali bolš za 3 tys. kiłamietraŭ daroh respublikanskaha i miascovaha značeńnia. Na 2024-y zapłanavali ramont bolš za 5 tys. kiłamietraŭ daroh.
Čytajcie taksama:
Žychar Kamianca pierakryŭ vulicu kalučym drotam, kab paskoryć ramont darohi
Jakija darohi płanujuć adramantavać u 2024 hodzie
Na paŭtara hoda pierakryli na ramont adnu z respublikanskich tras