Na repietycyi parada ŭ Minsku zaŭvažyli vahon mietro na kołach VIDEA
U Minsku ŭviečary 29 červienia na praśpiekcie Mašerava kala steły «Minsk — horad-hieroj» adbyłasia pieršaja hienieralnaja repietycyja parada, prymierkavanaha da 3 lipienia. U paradzie zajaŭleny ŭdzieł bolš za 300 adzinak kołavaj i husieničnaj techniki. Siarod tankaŭ i bronieaŭtamabilaŭ hledačy repietycyi parada zaŭvažyli i vielmi niečakanuju techniku, piša Telegraf.news.
Skrynšot ź videa
Karystalnik tyktoka pad nikam Thekorbut apublikavaŭ niekalki karotkich videa ź viačerniaj repietycyi paradu. ZRK S-300, vielizarny BiełAZ, kałona tankaŭ. Ale ŭsich ich pabiŭ pa papularnaści i prahladam rolik ź firmovym vahonam Minskaha mietrapalitena na kołach.
Mienš čym za sutki rolik pahladzieła bolš za 143 tys. čałaviek, jakija pakinuli sotni kamientaroŭ.
Hledačy acanili aryhinalnaść takoj techniki, nazvaŭšy jaje vyjezd «varušniakom cikaviejšym», za tradycyjnuju vajskovuju techniku, jakaja ŭdzielničaje ŭ paradzie.
Čytajcie taksama:
Na 3 Lipienia ŭ Minsku buduć pracavać 24 KPP i 140 naziralnych punktaŭ
