Biełaruskija banki papiaredzili, što z 1 lipienia pierastanuć praciahvać terminy płaciežnych kartak
U pres-słužbie Śbierbanka paviedamili, što z 1 lipienia 2024 hoda nie buduć praciahvać termin dziejańnia niekatorych płaciežnych kartak. Anałahičnuju mieru paabiacali ŭvieści i ŭ Alfa-Banku z 15 lipienia. Havorka idzie pra rachunki tych biełarusaŭ, u kaho na praciahu apošnich 6 miesiacaŭ adsutničali jakija-niebudź apieracyi, a taksama pra tyja kartki, u jakich skončyŭsia termin dziejańnia.
U pres-słužbie Śbierbanka padkreślili: kali termin dziejańnia apłatnaj kartki zakančvajecca ŭ pieryjad paśla 30 červienia, a taksama ŭ vypadku, kali na praciahu apošnich 6 miesiacaŭ pa joj nie pravodzilisia jakija-niebudź tranzakcyi (pakupki, apłata pasłuh, zaličeńnie zarobku, pieravody i h.d.), to z 1 lipienia jana stanie niesapraŭdnaj. Taksama bank bolš nie budzie aŭtamatyčna praciahvać kartki ŭ zamiežnaj valucie, u jakich termin skončyŭsia 30 červienia i paźniej.
U svaju čarhu ŭ Alfa-banku paviedamili, što z 15 červienia zakryjuć bankaŭskija rachunki fizičnych asob i IP, kali na rachunak nie pastupali srodki na praciahu 6 miesiacaŭ z momantu apošniaha zaličeńnia. Akramia taho, padstavaj dla zakryćcia «śpiačych» kartak stanie adsutnaść jakich-niebudź apieracyj pry ŭmovie, što astatak na rachunku na momant zakryćcia składaje adnu bazavuju vieličyniu (40 rubloŭ) abo mienš.
Raniej paśla ŭviadzieńnia zachodnich sankcyj u bankach Rasii, a zatym i Biełarusi pačalisia prablemy z pastaŭkami čypaŭ dla płaciežnych kartak. U mai 2022 hoda niekalki biełaruskich bankaŭ praciahnuli pracu kartak Visa i Mastercard na niekalki hadoŭ jakraz pa hetaj pryčynie. Z-za sankcyj mnohija pastaŭščyki nie navažvalisia pradavać detali ŭ Rasiju i Biełaruś. Akramia hetaha, ich było składana apłacić i dastavić.
Mienavita tamu niekatoryja biełaruskija banki vyrašyli nie pieravypuskać kartki, a praciahnuć termin ich dziejańnia. Naprykład, Pryjorbank heta zrabiŭ na hod, a Bielinviestbank — adrazu na try.
Čytajcie taksama:
Kamitet dziaržkantrolu pačaŭ pravierku bujnoha banka
U Hienprakuratury prapanujuć bankam uvieści «astudžalny» pieryjad dla kredytaŭ
Minčuk dumaŭ, što ratuje hrošy, a straciŭ amal 200 tysiač rubloŭ. Jak tak vyjšła?
