Na parłamienckich vybarach u Francyi pieramahajuć ultrapravyja z Maryn Lo Pen. Partyja Makrona treciaja
U Francyi 30 červienia prajšli vybary ŭ nižniuju pałatu parłamienta — Nacyjanalny schod. Viadomyja papiarednija vyniki pa danych ekzit-połaŭ, piša Le Figaro.
Maryn Lo Pen i Žardan Bardeła. Fota: AP Photo/Thomas Padilla
Pieršaje miesca zajmaje ŭltrapravaja partyja «Nacyjanalnaje abjadnańnie» Maryn Lo Pen — u ich 33,5%. Druhoje — va ŭltralevaha «Narodnaha frontu» (28,5%). Centrysckaja partyja prezidenta Emanuela Makrona «Razam za respubliku» na trecim miescy z 22,1% hałasoŭ.
Čakajecca, što vynikovaja jaŭka na vybary składzie rekordnyja 67% (takija danyja daje Instytut apytańniaŭ Ifop).
28-hadovy Žardan Bardeła — staršynia «Nacyjanalnaha abjadnańnia» — vykazaŭ zdahadku, što jon budzie premjer-ministram.
Nahadajem, Makron 9 červienia abviaściŭ pazačarhovyja parłamienckija vybary paśla taho, jak pravyja pieramahli na vybarach ad Francyi ŭ Jeŭraparłamient. Termin samoha Makrona skančajecca ŭ 2027 hodzie.
Čytajcie taksama:
Maryn Lo Pen: Kali my sfarmujem urad, francuzskich vajskoŭcaŭ va Ukrainie nie budzie
Kiraŭnik partyi Maryn Lo Pien vystupiŭ za pastaŭki Kijevu bojeprypasaŭ
«Idealny ziać» i zorka TikTok: u Francyi premjer-ministram moža stać 28-hadovy palityk
