Vučonyja znajšli srodak dla pavierchniaŭ, jaki zabivaje karanavirus
Na apracavanaj im pavierchni virusy hinuć za 15 chvilin. Što heta za rečyva?
Daśledčaja hrupa z Univiersiteta Juviaskiula daśleduje, jak roznyja pavierchni i materyjały mohuć pamienšyć raspaŭsiudžvańnie virusnych zachvorvańniaŭ. Fota: Tommi Sassi / jyu.fi
Jak viadoma, virusy mohuć zastavacca aktyŭnymi na niaporystych pavierchniach, takich jak płastyk, na praciahu doŭhaha času, što patencyjna pavialičvaje ryzyku zaražeńnia.
Dla źnižeńnia virusnaj nahruzki na ich zvyčajna vykarystoŭvajucca niekalki srodkaŭ dezynfiekcyi abo paviarchoŭna-aktyŭnych rečyvaŭ, takich jak hipachłaryd natryju ci pierakis vadarodu.
Adnak z-za niebiaśpieki dla zdaroŭja, źviazanych z rehularnym vykarystańniem mocnych srodkaŭ dezynfiekcyi, pracajomkaściu pracesu, raskolinami na płastyku i pramym niehatyŭnym uździejańniem na bijaraznastajnaść, vučonyja imknucca znajści bolš biaśpiečnyja i ŭstojlivyja varyjanty.
Alternatyŭny padychod zaklučajecca ŭ vyvučeńni naturalnych arhaničnych praduktaŭ u jakaści patencyjnych supraćvirusnych srodkaŭ. Hetym zajmajucca i daśledčyki z Centra nananavuki Univiersiteta Juviaskiula (Finlandyja).
Jak pišuć aŭtary ŭ svaim artykule ŭ časopisie Microbiology Spectrum, svaju ŭvahu jany źviarnuli na smału ihličnych dreŭ — kanifol. Niahledziačy na šyrokaje prymianieńnie złučeńniaŭ kanifoli ŭ roznych pramysłovych metach, jaje patencyjał u jakaści supraćvirusnych ahientaŭ u roznych halinach prymianieńnia da hetaha času niedaacenieny
U svaim daśledavańni navukoŭcy vyjavili, što płastykavyja pavierchni, apracavanyja kanifollu na asnovie tłustych kisłot tałavaha aleju, pakazali dobruju aktyŭnaść suprać siezonnych virusaŭ, a taksama virusa SARS-CoV-2 na praciahu piatnaccaci chvilin kantaktu i cudoŭnuju efiektyŭnaść praz tryccać chvilin pry vilhotnaści ŭ 90%.
Vydatnyja supraćvirusnyja efiekty naziralisia taksama pry nižejšaj vilhotnaści ŭ 20% i 40%. Na nieapracavanych pavierchniach virusy zastavalisia zaraznymi bolš za dvoje sutak.
Hetaje daśledavańnie — častka bolš maštabnaj pracy ŭ ramkach prajekta BIOPROT pa raspracoŭcy supraćvirusnych materyjałaŭ na bijałahičnaj asnovie dla srodkaŭ abarony. Admysłovy akcent u im robicca na reśpiratornyja i chirurhičnyja maski, a taksama šmatrazovyja maski dla pramysłovaha vykarystańnia. U prajekcie zadziejničanyja šeść univiersitetaŭ i navukova-daśledčych instytutaŭ, a taksama niekalki kampanij.
Aŭtary ŭpeŭnienyja, što ich raspracoŭka i atrymanyja vysnovy buduć mieć pramuju vyhadu jak dla spažyŭcoŭ, tak i dla pramysłovaści.
Supraćvirusnyja funkcyi naturalnych preparataŭ, takich, jak smała, možna vykarystoŭvać na roznych pavierchniach, dzie virusy mohuć patencyjna zastavacca zaraznymi na praciahu doŭhaha času i lohka raspaŭsiudžvacca, u takich ustanovach, jak restarany, dziciačyja sady, hramadski transpart i kramy.
Čytajcie taksama:
Vučonyja papiaredžvajuć: kali my śpim pry śviatle, značna pavyšajecca ryzyka dyjabietu
Dyzajniery raspracavali adzieńnie z žełacinu
Vučonyja stvaryli dla ludziej rabatyzavany šosty palec
Vučonyja abiacajuć, što nieŭzabavie ponačy budzie bačyć kožny čałaviek
