U Čarnihavie pastavili pamiatnuju šyldu Kastusiu Kalinoŭskamu. Voś jak jana vyhladaje
Pa rašeńni haradskich deputataŭ va ŭkrainskim Čarnihavie ŭstalavali pamiatnuju šyldu ŭ honar Kastusia Kalinoŭskaha, paviedamlaje čarnihaŭski partał 0462.ua.
Fota: 0462.ua
Šyldu ŭstalavali na domie, u jaki trapiŭ snarad u pačatku sakavika 2022 hoda padčas rasijskaha ŭvarvańnia na poŭnač Ukrainy praź Biełaruś.
Inicyjataram ustalavańnia miemaryjalnaj doški vystupiŭ dabračynny fond «Vilna Biłoruś».
Vulica, na jakoj ušanavali pamiać biełaruskaha nacyjanalnaha hieroja, adnaho z kiraŭnikoŭ antyrasijskaha paŭstańnia 1863-1864 hadoŭ, raniej nasiła nazvu zahinułaha ŭ 1943 hodzie na terytoryi Čarnihaŭskaj vobłaści savieckaha pałkoŭnika Siarhieja Śmirnova. Ciapier ža jana taksama nosić imia Kastusia Kalinoŭskaha, jak i prylehły zavułak.
Raniej paviedamlałasia, što na miemaryjalnaj šyldzie budzie prysutničać cytata z Kastusia Kalinoŭskaha na biełaruskaj movie. Jana sapraŭdy jość:
«Bo ja tabie z-pad šybienicy kažu, Narodzie, što tahdy tolki zažyvieš ščaśliva, kali nad taboju Maskala ŭže nia budzie».
Čytajcie taksama:
U Čarnihavie pastaviać miemaryjalnuju šyldu Kastusiu Kalinoŭskamu z cytataj pa-biełarusku
U Čarnihavie źjavilisia vulica i zavułak Kastusia Kalinoŭskaha
«Zvarotaŭ usio bolš». Hihin anansavaŭ pierajmienavańnie vulicy Kalinoŭskaha ŭ Minsku
