«Nie bačyła navat stolki». Dziaŭčyna publična pradehustavała ažno 15 vidaŭ rahačoŭskaj zhuščonki
Biełaruska kupiła i pasprabavała 15 vidaŭ rahačoŭskaj zhuščonki. Dehustacyja raściahnułasia na cełych try videaroliki i ŭ sumie sabrała zvyš 200 tysiač prahladaŭ. Mnohija biełarusy navat nie viedali pra isnavańnie niekatorych smakaŭ, piša Telegraf.news.
U pieršym videaroliku dziaŭčyna pradehustavała zhuščanyja viarški, kłasičnuju, abiastłuščanuju zhuščonki, a taksama ekzemplary z vodaram kakosu i «Irłandski krem».
Favarytam biełaruski ŭ pieršym roliku stała abiastłuščanaja zhuščonka, jakaja, na dumku aŭtarki videarolika, pryjšłasia joj daspadoby bolš lohkaj viersijaj kłasičnaj zhuščonki i viarškoŭ.
Karystalniki sacsietki ździvilisia tamu faktu, što ŭ viadomaha vytvorcy zhuščonki nastolki šyrokaja liniejka praduktu.
«Ich tak šmat?! Čamu da nas tolki bazavaja?», — ździviŭsia i zadaŭsia pytańniem adzin z kamientataraŭ.
«Nu i dzie ich stolki znajści? Choć ty jedź u Rahačoŭ», — jašče adzin kamientar pad videa.
«A dzie taki asartymient jaje znajšli? Nie bačyła navat stolki. I nie viedała, što jana takaja byvaje», — napisała pad videarolikam adna karystalnica.
Na heta aŭtarka adkazała, što kupiła ŭsie ekzemplary ŭ firmovaj kramie ŭ Rahačovie, ale «takija ž kramački jość i ŭ inšych haradach, naprykład, u Homieli».
Taksama kamientatary zaŭvažyli, što mnohija vidy rahačoŭskaj zhuščonki možna znajści na papularnym markietpłejsie Wildberries.
U druhim videaroliku dziaŭčyna pradehustavała liniejku varanaj zhuščonki. Ich usiaho 4: kłasičnaja «Jahorka», «Ivanuška» z kakavaj, «Antoška» z kavaj i «Alonuška» z cykoryjaj.
Bolš za ŭsio aŭtarka videa acaniła kłasičnuju viersiju «Jahorki», ale i «Alonuška» z cykoryjaj padałasia joj vartaj uvahi. A voś kavavaha «Antošku» biełaruska, pa jaje pryznańni, u takim vyhladzie «jeści b nie stała», i lepš razbaviła b jaho małakom.
Karystalniki sacsietki ź mierkavańniem dziaŭčyny pahadzilisia nie ŭsiudy. Chtości ličyć, što kłasičny «Jahorka» nahadvaje žełacin, a niekatoryja vysoka acanili kavavy varyjant.
«Kavavuju lublu! Rablu ź joj pirožnaje «bulba», i heta luboŭ», — napisała adna z karystalnic u kamientarach.
U treci ahlad trapili zhuščonki z roznymi smakami. Biełaruska pasprabavała «Lasny arech», «Vanil i viarški», «Kavu», «Cykoryju», «Kakavu», a taksama zhuščonku z fruktozaj, jakaja nahadała «husty zavarny krem z torta».
Darečy, u ahlad biełaruski ŭsio ž taki trapili nie ŭsie smaki zhuščonki z Rahačova. Tak, tam nie akazałasia zhuščonki z vodaram «Toplenaje małako» i z cukram Chalal, jakija taksama vypuskaje pradpryjemstva.
Mnohija kamientatary paprasili ahlad i na liniejku zhuščonki z Hłybokaha, dziaŭčyna napisała: «Značyć, treba zrabić ahlad i na hłybockuju».
Čytajcie taksama:
U Litvu bieź ježy, napojaŭ i cyharet. Što adbyvajecca z uvozam biełaruskich tavaraŭ u Litvu?
Žuraviny ŭ cukry, hryljaž i zhuščonka. Biełaruska adšukała ajčynnyja pradukty na varšaŭskim rynku
Aršaniec vystaviŭ na aŭkcyjon praterminavanuju zhuščonku
Batł nakont biełaruskaj zhuščonki dabraŭsia da pasolstva ZŠA
