U Krupskim rajonie vystavili na prodaž kaliści znakamity sanatoryj
Kolišni sanatoryj «Nača» ŭ Krupskim rajonie vystavili na prodaž na aŭkcyjonie «BUTB-majomaść» usiaho za 400 rubloŭ. U savieckija časy jon byŭ navat prestyžnym, ale ŭ kancy 1990-ch musiŭ zakrycca.
Fota: Krupki.by
Budynki kolišniaha sanatoryja «Nača» raźmieščanyja na bierazie raki Nača za 110 km ad Minska. Sama ŭstanova pracavała z 1970-ch, i siarod tych, chto ŭ joj adpačyvaŭ, byli, savieckija lotčyki-kasmanaŭty biełaruskaha pachodžańnia, Uładzimir Kavalonak i Piotr Klimuk. Ale tyja časy daŭno praminuli, a paśla zakryćcia «Načy» ŭ kancy 1990-ch sproby reanimavać sanatoryj skončylisia ničym.
Na aŭkcyjon vystavili ŭsie 10 budynkaŭ sanatoryja. Akramia asnoŭnaha čatyrochpaviarchovaha korpusa, u skład łota ŭvajšli šmatlikija pabudovy haspadarčaha pryznačeńnia — ad łaźni da vodahrazielačebnicy. Pradać hetuju majomaść biespaśpiachova sprabujuć užo nie pieršy raz, hetym tłumačycca i praktyčna simvaličnaja cana.
Usie budynki znachodziacca na bałansie ŭpraŭleńnia pa adukacyi, sporcie i turyźmie Krupskaha rajvykankama. Tarhi zapłanavanyja na 26 lipienia.
Čytajcie taksama:
U Minsku vystavili na aŭkcyjon žyvoha krakadziła
Viadomy biełaruski zavod pradaje administracyjny budynak. Cana — astranamičnaja
Ułady vystavili na aŭkcyjon ziamielny ŭčastak Babaryki na bierazie vadaschovišča Viača
Staradaŭni brovar u Hrodzienskaj vobłaści pradali na aŭkcyjonie za rekordnuju sumu
