Pamior Leanid Śviecik
U Varšavie 28 červienia na 60-m hodzie žyćcia raptoŭna pajšoŭ z žyćcia pravaabaronca ź Viciebska, jaki šmat hadoŭ kiravaŭ Viciebskim adździaleńniem Pravaabarončaha centra «Viasna», siabra BAŽ Leanid Śviecik, paviedamiła «Viasna».
Paviedamlajecca, što Leanid Śviecik bolš za dva dziesiacihodździ zajmaŭsia abaronaj pravoŭ čałavieka na Viciebščynie, braŭ aktyŭny ŭdzieł u roznych pravaabarončych, infarmacyjnych i adukacyjnych prahramach i inicyjatyvach «Viasny», nieadnarazova ŭdzielničaŭ u kampanijach nazirańnia za vybarami ŭ Biełarusi, uzdymaŭ nabalełyja dla rehijona prablemy i namahaŭsia ich vyrašeńnia.
U vyniku represij u 2021 hodzie Leanid Śviecik byŭ vymušany pakinuć Biełaruś, aścierahajučysia kryminalnaha pieraśledu. Ale i ŭ emihracyi jon zastavaŭsia aktyŭnym i praciahvaŭ zajmacca pravaabarončaj dziejnaściu.
Čytajcie taksama:
Pamior 48-hadovy były pasoł u Hiermanii Dzianis Sidarenka
