U Rasii antyvajennyja aktyvisty ceły hod pisali vieršy ad imia fejkavaha Z-paeta. Pucincy ad ich mleli
Historyju paeta «Hienadzia Rakicina» raskazaŭ žurnalist Andrej Zacharaŭ, paviedamlaje kanał «Ostorožno, novosti». Pavodle jaho słoŭ, hrupa jahonych znajomych stvaryła VK-pablik ad imia vydumanaha paeta pad takim imieniem. Z dapamohaj niejrasietki jany stvaryli fota aŭtara patryjatyčnych vieršaŭ, prydumali bijahrafiju: 49-hadovy vypusknik fiłfaka MDU i były nastaŭnik. A paśla pačali pierakładać na rasiejskuju niamieckija prapahandysckija vieršy 1930-ch hadoŭ.
Vobraz Z-patryjota Hienadzia Rakicina, stvorany niejrasietkaj
Antyvajennyja aktyvisty na praciahu hoda pisali vieršy ad imia niaisnaha Z-paeta. Vieršy acanili žury paetyčnych konkursaŭ i deputaty Dziarždumy. Usie teksty apynulisia adaptacyjaj niamieckich paetaŭ časoŭ Treciaha Rejcha.
Adnačasna dadavali ŭ siabry da Rakicina pradstaŭnikoŭ ułady i «kalehaŭ pa cechu» patryjatyčnaj paezii.
Tekst člena NSDAP Ebiercharda Miolera «Fiurer» u pierakładzie staŭ vieršam «Lidar», pryśviečanym prezidentu Rasii. A vierš šturmavika Hierybierta Miencela «Hamer šturmavych atradaŭ», dzie aŭtar razvažaje pierad partretam Hitlera, u redakcyi Rakicina staŭ vieršam «Pierad partretam».
Za hod talent Rakicina acanili na Usierasijskim konkursie patryjatyčnaj paezii imia Tvardoŭskaha, dzie Hienadź vyjšaŭ u paŭfinał naminacyi «Vieršy pra abaroncaŭ Radzimy». Časopis «Moskva» ŭziaŭ jahony vierš na konkurs «Patryjatyčny vierlibr».
Pierakłady nacysckaj paezii repościli i Z-kanały. Sienatar ad Buracii Viačasłaŭ Nahavicyn adznačaŭ Rakicina na fotazdymkach prezidenta Pucina, a ŭ siabrach u niaisnaha aŭtara nabrałasia niekalki dziasiatkaŭ pradstaŭnikoŭ ułady.
Siońnia, adnak, «Hienadź Rakicin» vyrašyŭ vykryć siabie. Na jaho staroncy ŭ VK źjaviŭsia apošni vierš:
«Hiennadij dołho izdievałsia
Nad z-stichami na stienie,
V itohie *** narisovał on
vojnie».
Čytajcie taksama:
Znaŭcy štučnaha intelektu prahnazujuć, što nieŭzabavie padrobki stanie niemahčyma vyjavić
Kramloŭskija boty zavalili internet fejkavymi cytatami zachodnich znakamitaściaŭ
Ad dziaržaŭnych biełaruska-rasijskich miedyja plujecca navat Prydybajła
