Startavali piešyja pilihrymki ŭ Budsłaŭ. Niekatoryja pałomniki projduć 300 kiłamietraŭ
Piešyja pilihrymki ŭ katalicki Nacyjanalny sanktuaryj u Budsłavie vyjšli 27 červienia z Baranavičaŭ i Lidy.
katolik.life
Samy doŭhi šlach čakaje viernikaŭ, jakija startavali z Baranavičaŭ — ciaham 9 dzion jany projduć pieššu amal 300 kiłamietraŭ. Nastupnym vyjdzie pałomnictva ź Viciebska — 29 červienia. A ź Minska pilihrymy adpraviacca ŭ šlach 1 lipienia, piša katolik.life.
Štohod z roznych kutkoŭ Biełarusi prychodziać pieššu ŭ Budsłaŭ kala 2 tysiač pałomnikaŭ. Pilihrymy pieraadolvajuć šlach da Božaj Maci z radasnymi pieśniami, malitvami, niasuć da jaje svaje prośby, taksama pa darozie słuchajuć kanfierencyi na duchoŭnyja temy.
Da pałomnictvaŭ dałučajucca vierniki z tych nasielenych punktaŭ, jakija prachodziać pilihrymki — tut jany načujuć čaściej za ŭsio ŭ škołach, u niekatorych miescach na načleh prymajuć miascovyja žychary.
Sioleta ŭračystaści ŭ Budsłavie projduć 5—6 lipienia.
Čytajcie taksama:
Stała viadoma prahrama sioletniaha Budsłaŭskaha festu
Hod jak zakryty Čyrvony kaścioł. Kolki čakać jašče?
Arcybiskup Hudžeroci pryznaŭsia ŭ Budsłavie, što za miažoj vielmi sumavaŭ pa biełaruskich dranikach
