Chto ŭ Jeŭrasajuzie samy biedny i samy bahaty?
Rejtynh samych biednych krain u Jeŭrasajuzie skłali šviejcarskija ekanamičnyja instytuty Credit Suisse i UBS. Ekśpierty skłali rejtynh, uziaŭšy za asnovu statystyku pa koštu nieruchomaści i pakupnickaj zdolnaści nasielnictva krain ES. Pry hetym u daśledavańni adznačajecca, što ŭ niekatorych dziaržavach roźnica ŭ dachodach na adnaho čałavieka adroźnivajecca ŭ 10 razoŭ, piša Thinktanks.by.
Rumynski piejzaž. Fota: ROMAN FRIPTULEAC / vecteezy.com
Pavodle danych daśledavańnia, najmienš zabiaśpiečanyja krainy znachodziacca va Uschodniaj Jeŭropie i na Bałkanach. Naprykład, pieršaje miesca ŭ rejtynhu zaniała Rumynija, dzie dachod na adnaho čałavieka ŭ dzieviać razoŭ nižejšy, čym u Danii.
Top-5 samych biednych krain u ES vyhladaje nastupnym čynam:
- Rumynija (42 tysiačy jeŭra na čałavieka);
- Bałharyja (44 tysiačy jeŭra na čałavieka);
- Polšča (50 tysiač jeŭra na čałavieka);
- Vienhryja (56 tysiač jeŭra na čałavieka);
- Słavakija (58 tysiač jeŭra na čałavieka).
Najbolš ža bahatyja krainy Jeŭrasajuza:
- Luksiemburh (556 tysiač jeŭra na čałavieka);
- Danija (389 tysiač jeŭra na čałavieka);
- Niderłandy (340 tysiač jeŭra na čałavieka);
- Bielhija (335 tysiač jeŭra na čałavieka);
- Francyja (296 tysiač jeŭra na čałavieka).
Choć rejtynh vyjšaŭ u 2024 hodzie, danyja dla daśledavańnia vykarystoŭvalisia za 2022 hod.
Čytajcie taksama:
U Jeŭropie jašče jość miaściny, dzie možna pabačyć arańnie na vałach FOTAFAKT
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)