Biełarusam prapanavali vakansiju «mieniedžara pa šašłykach» za 3000 rubloŭ u miesiac
Vakansija mieniedžara pa šašłykach źjaviłasia na rasijskim partale pa pošuku pracy. Śpiecyjalista šukaje rekłamnaje ahienctva, jakoje pracuje z rasijskimi prajektami Skyeng, Skysmart i «Pikabu». U Biełarusi jany šukajuć mieniedžara pa šašłykach z addalenaj pracaj.
U apisańni da vakansii zarobak paznačany ŭ rasijskich rublach — ad 50 tysiač da 80 tysiač na ruki, heta značyć ad 1,9 tysiač da 3 tysiač biełaruskich rubloŭ. Pry hetym vyjazdžać za miežy Biełarusi nie treba, bo pracavać prapanujuć addalena.
Siarod abaviazkaŭ u apisańni da vakansii: zakuplać miasa pa vyhadnych cenach za košt kampanii, rychtavać marynad, smažyć šašłyk addalena pa videasuviazi i navat pracavać u pary ź piŭnym mieniedžaram, taksama addalena.
Naniać hatovyja tolki kandydataŭ z vopytam ad 1 da 3 hadoŭ, jakija razumiejuć roźnicu pamiž śvininaj i kuracinaj i «viedajuć, čamu marynad na minierałcy lepšy, čym na majanezie».
Pracavać treba z 10:00 da 19:00, kali pastaŭlenaja zadača nie vykananaja raniej.
Čytajcie taksama:
Niuchać, naciskać i pratykać videlcam. Jak nie stać achviaraj ašukanstva pry vybary miasa?
Za kolki siońnia možna adpačyć z šašłykom i jak źmianilisia ceny ŭ paraŭnańni ź letašnimi?
«Šampury pastupova sychodziać u minułaje». Jak pravilna vybrać miasa na šašłyk?
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)