U Buda-Kašalovie milicyja stralała pa mužčynie z nažom
Udzień 26 červienia ŭ Buda-Kašalovie kala dziciačaj muzyčnaj škoły mužčyna kidaŭsia z nažom na ludziej. Jaho ŭpynili tolki strełami pa nahach, paviedamlaje pres-słužba MUS.
Paviedamleńnie pra nieadekvatnyja pavodziny mužčyny na vulicy pastupiła ŭ Buda-Kašaloŭski RAUS u 16:41.
Paviedamlajecca, što narad milicyi, jaki prybyŭ na vyklik, nieadnarazova patrabavaŭ ad mužčyny kinuć zbroju. Adnak toj nibyta ihnaravaŭ usie patrabavańni i nakiravaŭsia ŭ bok milicyjantaŭ.
Paśla hetaha siłaviki vykarystali zbroju: pieršy raz strelili ŭ pavietra, druhi streł byŭ zrobleny pa nahach napadnika.
Da pryjezdu chutkaj 62-hadovamu miascovamu žycharu była akazanaja pieršaja dapamoha, a paśla z ranieńniem u nahu jaho dastavili ŭ lakarniu.
Čytajcie taksama:
U Babrujskim rajonie ŭčastkovy stralaŭ u mužčynu, jaki vyjšaŭ na jaho z kasoj
U Žłobinie sa stralboj zatrymlivali biaspraŭnika na «Žyhulach»
