Letnija napoi: 4 recepty limanadu

Limanad sa smakam machita 

Na 5 šklanak:

• 1 litr chałodnaj vady
• niekalki halinak miaty
• 4 čajnyja łyžki karyčnievaha cukru
• 3 łajmy
• 1 limon
• kubiki lodu

1. Nalicie 100 mł vady ŭ kastrulu i rastvarycie ŭ joj cukar (vada nie pavinna kipieć, karyčnievy cukar rastvorycca ŭ joj vielmi chutka, dastatkova źlohku nahreć kastrulu i raźmiašać).
2. Atrymany cukrovy sirop adstaŭcie, kab jon astyŭ, a potym dadajcie ŭ zban z chałodnaj vadoj (astatnija 900 mł).
3. Pamyjcie liście miaty i kińcie pa niekalki liścikaŭ u kožnuju šklanku (možna papiarednie pastavić šklanki ŭ marazilnuju kamieru na niekalki chvilin, kab jany byli chałodnyja i daŭžej zachoŭvali prachałodu). Taŭkačykam rastaŭčycie liście ŭ šklankach, kab jano vypuściła sok i dało cudoŭny vodar.
4. Razrežcie łajmy napałovu. Z troch vyciśnicie sok, jaki dadajcie ŭ zban z vadoj i cukrovym siropam. Pieramiašajcie doŭhaj łyžkaj ci sałomkaj. Pałoŭki łajma, što zastalisia, razrazajem na čatyry častki. Limon taksama narazajem — na vosiem častak abo łustačkami (jak vam padabajecca). U šklanki ź liściem miaty kidajem kavałački łajma i limona. Dadajem kubiki lodu. Zalivajem limanadam.

Kavunovy limanad z razmarynam

• kavunovaja miakać 1/2 kh
• cukar 2 stałovyja łyžki
• łajm 3 št.
• razmaryn 1 vialikaja halinka + dla padačy
• kubiki lodu dla padačy
• niehazavanaja vada 750 mł

1. Miakać kavuna razrezać na kavałački. Žmieniu pakińcie dla padačy z hatovym limanadam, a astatnija kavałački pierakładzicie ŭ blendar. Dadajcie cukar.
2. Błanšyrujem łajmy — pałovu pakińcie dla padačy, a z astatnich vyciskajem sok. Pieralicie jaho ŭ blendar. Dadajcie halinku śviežaha razmarynu i staranna źmiašajcie. Atrymanuju masu prapuścicie cieraź sita, pieralicie ŭ vialikuju banku abo zban i pastaŭcie ŭ chaładzilnik, kab jana astyła i dała smakam złučycca.
3. Potym u hetuju asnovu nasypcie šmat lodu, dadajcie kavałački łajma, halinku razmaryna i chałodnuju niehazavanuju vadu.

Hrušavy limanad z čabarom i jabłyčnym sokam

• hruša 3 št.
• limon 2 št.
• karyčnievy cukar 1 stałovaja łyžka
• jabłyčny sok 150 mł
• śviežy čabor trochi dla samoha limanadu + trochi dla padačy, dla ŭpryhožvańnia
• kubiki lodu dla padačy
• niehazavanaja vada 800 mł

1. Sadavinu myjem, hrušy łupim i narazajem kavałačkami, ź limonaŭ vyciskajem sok.
2. U blendar ci kuchonny kambajn kładziom narezanuju hrušu, dadajom vycisnuty z cytryny sok i karyčnievy cukar. Dadajom jabłyčny sok i žmieniu śviežaha čabaru. Staranna źmiešvajem u blendary. Masu prapuskajem cieraź sita.
3. U zban kładziom kubiki lodu, halinki śviežaha čabaru i hrušavy mus. Zatym nalivajem niehazavanuju vadu.

Limanad z kłubnicami, miodam i bazilikam

• kłubnicy 500 h
• limon 2 št.
• vadki miod 3 stałovyja łyžki
• bazilik — žmienia śviežaha liścia + halinka dla padačy
• kubiki lodu dla padačy
• niehazavanaja vada 750 mł

1. Kłubnicy myjem i prybirajem ź ich ćvietanožki. Niekalki štuk pakidajem, kab padać z hatovym limanadam. Tyja jahady, što zastalisia, narazajem kavałačkami i kładziom u blendar.
2. Błanšujem limony i vyciskajem ź ich sok. Dadajom sok u kłubnicy. U blendar nalivajem miod i kidajem žmieniu baziliku. Pieramiešvajem.
3. Atrymanuju limanadnuju asnovu treba prapuścić cieraź sita, pieralić u słoik i astudzić u ladoŭni 2—3 hadziny.
4. U zban nalivajem limanadnuju asnovu, kidajem kubiki lodu i kładziom halinku śviežaha baziliku. Nalivajem niehazavanuju vadu. Padavać limanad lepš adrazu paśla hatavańnia.

Čytajcie taksama:

Bambł-kava — sapraŭdny letni chit. Aściarožna, hety napoj moža stać vašym ulubionym

Lanivyja vareniki ź jahadami — najlepšy śniadanak letam. Možna zamarozić na zapas

Śmiatannaje žele ź piersikami: jaho raschapajuć vašy siabry

Letniaja sałata z syram burata

Čya-pudynh — desiert, jaki zapomnicca

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

2

0

0

0

0

3