Biełaruski chakieist padpisaŭ dvuchhadovy kantrakt z kłubam NCHŁ
Biełaruski chakieist Uładzisłaŭ Kalačonak padpisaŭ dvuchhadovy kantrakt z chakiejnym kłubam «Juta», jaki hulaje ŭ Nacyjanalnaj chakiejnaj lizie.
Uładzisłaŭ Kalačonak
Chakiejny kłub Nacyjanalnaj chakiejnaj lihi «Juta» (byłaja «Aryzona») abviaściŭ pra padpisańnie novaha dvuchhadovaha kantraktu ź biełaruskim abaroncam Uładzisłavam Kalačonkam.
Pavodle ŭmovaŭ kantraktu hulec atrymaje za kožny siezon pa $775 tys., što sumarna składzie krychu bolš za $1,5 młn za ŭvieś pieryjad.
«Juta» — novy kłub NCHŁ, jaki budzie bazavacca ŭ horadzie Sołt-Łejk-Sici. Kamanda stała pravapierajemnicaj «Aryzony», jakaja zamaroziła dziejnaść da 2029 hoda. Hety čas kłubu nieabchodny dla pabudovy novaj bazy i ladovaj areny.
Raniej Kalačonak na praciahu troch siezonaŭ vystupaŭ mienavita ŭ sistemie «Aryzony». Za apošnija try hady jon pravioŭ u Nacyjanalnaj chakiejnaj lizie 32 matčy.
Paralelna z hulnioj za «Aryzonu» ŭ NCHŁ biełarus vystupaŭ za «Tuson» u Amierykanskaj chakiejnaj lizie, druhoj pa značnaści ŭ Paŭnočnaj Amierycy. Tut za try siezony Kalačonak pravioŭ 150 matčaŭ i nabraŭ 48 (13+35) bałaŭ pa sistemie «hoł + pas».
Apošnim časam chadzili čutki pra viartańnie biełarusa ŭ minskaje «Dynama» z-za nierehularnaj praktyki ŭ NCHŁ, ale jany akazalisia niepraŭdzivymi.
Čytajcie taksama:
«Fłaryda Panterz» upieršyniu ŭ historyi vyjhrała Kubak Stenli
Upieršyniu ŭ historyi biełaruski hałkipier trapiŭ u zajaŭku kłuba NCHŁ
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)