Jašče adna pryvatnaja VNU nie budzie nabirać studentaŭ
Za apošni tydzień stała viadoma pra zakryćcio adrazu dźviuch VNU ŭ krainie. Usie navučalnyja ŭstanovy pryvatnyja. Nastaje čarha treciaj.
Fota: Onliner.by
Pieršymi ab likvidacyi paviedamiŭ Univiersitet prava i sacyjalna-infarmacyjnych technałohij (były BIP), krychu paźniej — Instytut pradprymalnickaj dziejnaści.
Čytačy taksama raspaviali pra mahčymyja prablemy ŭ Instytucie parłamientaryzmu i pradprymalnictva, ale ŭ VNU infarmacyju pra zakryćcio nie paćviardžajuć. Z hetaha hoda tam usiaho tolki nie buduć nabirać pieršakurśnikaŭ, astatnija studenty praciahnuć vučobu.
Žurnalist datelefanavaŭsia da rektara Instytuta, kandydata palityčnych navuk Alaksandra Harelika:
— Ja viedaju, što začyniajucca kankretnyja VNU, ale da nas heta dačynieńnia nie maje. My funkcyjanujem.
Adzinaje, što sioleta nie budzie naboru pieršakurśnikaŭ — Ministerstva adukacyi jaho nie ŭzhadniła. Ale instytut pracuje i ź pieršaha vieraśnia, jak maje być, budzie ažyćciaŭlać adukacyjnuju dziejnaść.
Instytut parłamientaryzmu i pradprymalnictva adkryty ŭ 1993 hodzie. Pryvatnaja VNU rychtavała śpiecyjalistaŭ u halinie ekanomiki, kiravańnia i palitałohii. U lutym 2021-ha IPP prajšoŭ dziaržaŭnuju akredytacyju. Siertyfikat dziejničaje da 9 sakavika 2026 hoda.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)