Nataryusaŭ buduć pazbaŭlać licenzij za padpiski i reposty. Im zabaranili kamientavać pracu dziaržorhanaŭ u internecie
Zabarona zakładziena ŭ novaj viersii etyčnaha kodeksa.
Fota: KP
Biełaruskim nataryusam bolš nielha abmiarkoŭvać u internecie kaleh i rašeńni dziaržaŭnych orhanaŭ. Hetaja zabarona zakładziena ŭ Praviłach prafiesijnaj etyki nataryusa, jakija byli zaćvierdžany Miniustam.
Tak, nataryusy ciapier abaviazanyja «ŭstrymlivacca ad abmierkavańnia, u tym liku z dapamohaj kamientaroŭ, acenak u internecie, dziejańniaŭ svaich kalehaŭ, a taksama advakataŭ, sudździaŭ, prakuroraŭ, dziaržaŭnych orhanaŭ, inšych arhanizacyj i słužbovych asob».
Akramia taho, nataryusam nielha ad imia nataryjalnaj supolnaści vystupać u ŚMI, publikavać u sacyjalnych sietkach infarmacyju pa pytańniach prafiesijnaj dziejnaści biez daručeńnia abo zhody nataryjalnaj pałaty.
Nataryusaŭ ciapier buduć pazbaŭlać licenzii za padpiski na resursy, pryznanyja ekstremisckimi, reposty takich materyjałaŭ, a taksama za «ŭdzieł u lubym vyhladzie dziejnaści, nakiravanym na dyskredytacyju Respubliki Biełaruś, orhanaŭ dziaržaŭnaj ułady i kiravańnia».
Novyja etyčnyja normy ŭstupajuć u siłu 11 lipienia.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)