U ramkach bajavoj pravierki ŭzmacnili patrulavańnie miažy z Ukrainaj
Siły śpiecyjalnych apieracyj u ciesnym uzajemadziejańni z rakietnymi vojskami i artyleryjaj praciahvajuć vykonvać vučebna-bajavyja zadačy ŭ Homielskaj i Bresckaj abłaściach u ramkach raptoŭnaj pravierki hatoŭnaści złučeńniaŭ i voinskich čaściej Uzbrojenych sił, paviedamlaje Minabarony ŭ svaim telehram-kanale.
Adpracoŭvajucca pytańni:
— pa ŭzmacnieńni ŭčastkaŭ dziaržaŭnaj miažy na mahčymych napramkach «niezakonnaha praniknieńnia na terytoryju Biełarusi ŭzbrojenych hrup bajevikoŭ»;
— pierakryćcia kanałaŭ dastaŭki zbroi, bojeprypasaŭ i inšych srodkaŭ, jakija mohuć vykarystoŭvacca dla destabilizacyi abstanoŭki ŭ krainie.
Dla vyjaŭleńnia dyviersijna-raźviedvalnych hrup i navały sił umoŭnaha supiernika ŭ ciažkadastupnaj lasista-bahnistaj miascovaści vykarystoŭvajucca bieśpiłotnyja raźviedvalnyja kompleksy, jakija ŭ režymie realnaha času pieradajuć kaardynaty raźlikam artyleryjskich padraździaleńniaŭ dla naniasieńnia ahniavoha paražeńnia, piša Minabarony.
Čytajcie taksama:
Va Uzbrojenych siłach pačałasia raptoŭnaja pravierka bojehatoŭnaści — na miažy z Ukrainaj
Padraździaleńni zienitnych rakietnych vojskaŭ zastupili na bajavoje dziažurstva
