U Ispanii vyzvalili z rabstva biełarusak
Usiaho vyzvalili 14 ukrainak i biełarusak.
Ilustracyjnaje fota
Palicyja Ispanii sumiesna ź Jeŭrapołam praviała apieracyju pa likvidacyi złačynnaj hrupy, jakaja zajmałasia handlem ludźmi ŭ metach seksualnaj ekspłuatacyi. Achviarami akazalisia pieravažna ŭkrainki, a taksama niekalki biełarusak, paviedamlaje telekanał «Biełaruś 1».
Jak skazana na sajcie Jeŭrapoła, usiaho vyzvalili 14 dziaŭčat. Ich zavabili abiacańniami aformić dla ich vizy biežancaŭ, finansavuju padtrymku i pracu.
Złačynnaja hrupoŭka dziejničała z 2020 hoda. Achviar vierbavali anłajn, u asnoŭnym praz sacyjalnyja sietki, pradstaŭlajučysia mieniedžarami kadravaha ahienctva. Dziaŭčatam abiacali pracu chostes i absłuhovaha piersanału. Ale ŭ vyniku jany akazvalisia ŭ kłubie horada El-Echida ŭ ispanskaj pravincyi Almieryja.
Aryštavanyja piać čałaviek, uklučajučy mierkavanaha lidara hrupoŭki. Havorka idzie pra hramadzian Ispanii, Rasii i Ukrainy. Im vystaŭlenyja abvinavačańni, u tym liku ŭ złačynstvach, źviazanych ź niezakonnaj prastytucyjaj i parušeńniem pravoŭ zamiežnych hramadzian.
Čytajcie taksama:
U Ispanii nakryli hrupoŭku, jakaja pradavała biełarusak u seksualnaje rabstva
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)