Łukašenka pamianiaŭ načalnika terytaryjalnaj abarony i pavialičyŭ kolkaść hienierałaŭ
Łukašenka siońnia padpisaŭ ukazy, jakimi zrabiŭ pierastanoŭki ŭ kamandavańni armii i prysvoiŭ hienieralskija zvańni raniejšym pałkoŭnikam.
Dźmitryj Strašynski
Pałkoŭnik Dźmitryj Strašynski vyzvaleny ad pasady načalnika ŭpraŭleńnia terytaryjalnaj abarony — namieśnika načalnika Hienieralnaha štaba Uzbrojenych Sił Respubliki Biełaruś. Zamiest jaho na hetuju pasadu pryznačany pałkoŭnik Andrej Kraŭčanka.
Ale Dźmitryju Strašynskamu dali novuju pasadu: jon pryznačany načalnikam Hałoŭnaj vajskovaj inśpiekcyi Uzbrojenych sił Respubliki Biełaruś.
Taksama Łukašenka zrabiŭ hienierał-majorami raniejšych pałkoŭnikaŭ Alaksandra Bykava, Ihara Kazłova, Vadzima Surava i Rusłana Čechava. Raniejšy pałkoŭnik unutranaj słužby Siarhiej Sałanovič staŭ hienierał-majoram unutranaj słužby, pałkoŭnik justycyi Alaksiej Alaškievič — hienierał-majoram justycyi, a načalniku Homielskaj mytni Andreju Misiučenku prysvojena piersanalnaje zvańnie dziaržaŭnaha savietnika mytnaj słužby III ranhu.
Čytajcie taksama:
Łukašenka zvolniŭ hienierała Lisoŭskaha
Davydźka, Ananič, Pinievič. Dzie ciapier źbityja lotčyki łukašenkaŭskaj namienkłatury?
