Viarchoŭny sud Irana admianiŭ śmiarotny prysud papularnamu repieru, jaki padtrymaŭ pratesty
Viarchoŭny sud Irana admianiŭ śmiarotny prysud repieru Tumadžu Salechi. Muzyka ŭ 2022 hodzie publična padtrymaŭ masavyja antyŭradavyja pratesty, jon u tym liku zapisaŭ niekalki pratesnych piesień. Paźniej jon byŭ zatrymany pavodle abvinavačvańnia ŭ «raspaŭsiudžańni karupcyi na Ziamli» i atrymaŭ šeść hadoŭ i try miesiacy turmy, piša «Mieduza».
Fota: instahram Salechi
Viarchoŭny sud znajšoŭ pamyłki ŭ pieršapačatkovym rašeńni, paśla čaho Salechi adpuścili pad zakład. Adnak nieŭzabavie muzyku znoŭ aryštavali, a ŭ krasaviku 2024 hoda jahony advakat Amir Raisian raskazaŭ, što repiera prysudzili da śmiarotnaha pakarańnia.
22 červienia juryst raskazaŭ, što śmiarotny prysud jahonamu padabaronnamu admianili. Sudovaja kalehija taksama paćvierdziła, što pieršy prysud Salechi byŭ vyniesieny z parušeńniami. Spravu adpravili na novy razhlad u inšy sud.
Masavyja pratesty ŭ Iranie pačalisia ŭ vieraśni 2022 hoda paśla śmierci 22-hadovaj Maksy Amini, jakaja była zatrymanaja palicyjaj za niapravilnaje našeńnie chidžaba. Akcyi suprać urada isłamskaj revalucyi prachodzili niekalki miesiacaŭ. Za hety čas zahinuli sotni čałaviek. Mnohich udzielnikaŭ aryštavali, niekatorych prysudzili da śmiarotnaha pakarańnia.
Čytajcie taksama:
Skarmiŭ čałavieka lvu. Piać dzikich historyj pra Ramzana Kadyrava
Ušanavańnie prezidenta Raisi ŭ AAN paraŭnalna z ušanavańniem Stalina — Bild
Syn iranskaha šacha: Spačuvańni z nahody śmierci Raisi — heta abraza pamiaci jaho achviar
