Zorka «Pirataŭ Karybskaha mora» zahinuŭ ad napadu akuły
Halivudski akcior Tamajo Pery, viadomy pa filmie «Piraty Karybskaha mora», zahinuŭ padčas sierfinhu na Havajach paśla taho, jak na jaho napała akuła.
Pradstaŭniki słužby vyratavańnia Hanałułu paćvierdzili na pres-kanfierencyi, što 49-hadovy akcior pamior u niadzielu dniom, piša BBC.
Słužby vyratavańnia byli vyklikanyja na plaž kala 13:00 pa miascovym časie.
Akcior, jaki i sam byŭ vyratavalnikam, byŭ dastaŭleny na bierah na hidracykle, adnak paramiedyki ŭžo ničym nie mahli jamu dapamahčy.
Pery zdymaŭsia ŭ karcinie «Piraty Karybskaha mora: Na dziŭnych bierahach», čaćviortym filmie franšyzy.
Jon taksama zdymaŭsia ŭ sieryjałach Lost, Hawaii Five-0 i Blue Crush.
Kiraŭnik słužby akijaničnaj biaśpieki Hanałułu Kurt Łahier skazaŭ, što Pery byŭ vyratavalnikam, jakoha lubili ŭsie.
