Rasija nočču zapuściła pa Kijeŭščynie «Kalibry»
U noč na 23 červienia Pavietranyja siły USU źbili dźvie rakiety «Kalibr» z troch, jakija zapuścili rasijskija vajskoŭcy.
Fota: MNS Ukrainy
Jak paviedamiŭ kamandujučy Pavietranych sił Mikałaj Aleščuk, nočču 23 červienia rasijanie atakavali Ukrainu tryma kryłatymi rakietami marskoha baziravańnia «Kalibr» z akvatoryi Azoŭskaha mora.
Dźvie rakiety źbity zienitnymi rakietnymi padraździaleńniami Pavietranych sił u Kijeŭskaj vobłaści.
U vyniku padzieńnia abłomkaŭ rakiety ŭ adnym z nasielenych punktaŭ Kijeŭskaj vobłaści paškodžanyja 6 šmatpaviarchovikaŭ i bolš za 20 pryvatnych damoŭ, paviedamiŭ staršynia Kijeŭskaj AVA Rusłan Kraŭčanka.
Taksama paškodžanyja budynki AZS, apteki, pradpryjemstvy, administracyjny budynak i 3 aŭtamabili.
Čytajcie taksama:
Siarod krain, jakija padtrymlivajuć Ukrainu zbrojaj, jość i Sierbija. Ale nie napramuju
Rakiety, jakija rasijanie ŭnačy zapuskali pa Ukrainie, pralatali praź Biełaruś
U Minabarony Rasii paćvierdzili «hrupavy ŭdar» pa abjektach enierhietyki Ukrainy ŭ noč na subotu
