Biełaruska Volha Mazuronak vyjhrała marafon u ZŠA z najlepšym vynikam u karjery
Biełaruskaja biahucha-marafonka Volha Mazuronak, jakaja ciapier u ZŠA, stała pieramožcaj Grandma's Marathon — štohadovaha marafonu, jaki pravodzicca ŭ horadzie Dułut (štat Miniesota).
Volha Mazuronak pieramožna zaviaršaje dystancyju na čempijanacie Jeŭropy ŭ Bierlinie 2018 hoda. Fota: AP Photo/Martin Meissner
Mazuronak, jakaja ŭvieś čas lidziravała, prabiehła kłasičnuju marafonskuju dystancyju 42 kiłamietry 195 mietraŭ za 2 hadziny 23 chviliny i 51 siekundu.
Heta najlepšy vynik u historyi marafonaŭ u Dułucie i asabisty rekord biełaruski. Raniej jana nie biehała chutčej za 2 hadziny 23 chviliny i 54 siekundy, a papiaredni rekord byŭ pastaŭleny ŭ užo dalokim 2016 hodzie ŭ Łondanie.
Raniej sioleta, 17 sakavika, Mazuronak zaniała druhoje miesca na dystancyi 42 kiłamietry 195 mietraŭ u Łos-Andželesie.
Volzie Mazuronak 35 hadoŭ, jana była čempijonkaj Jeŭropy ŭ marafonie 2018 hoda, dvojčy (u 2016 hodzie ŭ Rya-de-Žanejra i ŭ 2021-m u Tokia) zajmała piataje miesca na Alimpijskich hulniach) i adnojčy — toje ž piataje miesca na čempijanacie śvietu 2019 hoda ŭ katarskaj Dosie.
Paśla prezidenckich vybaraŭ u Biełarusi ŭ 2020 hodzie Volha Mazuronak padpisała list svabodnych spartsmienaŭ suprać hvałtu.
Čytajcie taksama:
Viadomyja spartsmieny vykazali publičny niedavier kiraŭniku BFSS Apiejkinu
U marafonki Volhi Mazuronak piataje miesca na Alimpijadzie — i hety vynik nie horšy za miedal
Biełaruska z Polščy chacieła vystupać na Alimpijadzie jak niejtralnaja spartsmienka, ale nie zmahła
