Za asudžanymi ŭ kałonijach buduć nazirać pry dapamozie dronaŭ
Pastanova padpisanaja 6 červienia, ale apublikavanaja tolki siońnia.
Ilustracyjnaje fota Minabarony
Administracyi kałonij buduć nazirać za asudžanymi pry dapamozie dronaŭ, pra heta havorycca ŭ pastanovie MUS «Ab techničnych srodkach nahladu i kantrolu», jakaja apublikavanaja na pravo.by, piša «Miedyjazona».
U dakumiencie idzie havorka pra pieralik aŭdyjovizualnych, elektronnych i inšych techničnych srodkaŭ nahladu i kantrolu, jakija majuć prava vykarystoŭvać supracoŭniki papraŭčych ustanoŭ.
Pieralik padzieleny na dźvie častki:
- dla papraŭčych ustanoŭ adkrytaha typu (chimija),
i papraŭčych ustanoŭ (kałonija).
U pieraliku srodkaŭ nahladu papraŭčych ustanoŭ adkrytaha typu, U adroźnieńni ad kałonij, administracyja moža vykarystoŭvać elektronnyja branzalety, stacyjanarnyja i mabilnyja kantrolnyja pryłady, a taksama retranślatary.
U kałonijach ža administracyi dazvolili vykarystoŭvać intehravanyja sistemy biaśpieki, bieśpiłotnyja latalnyja aparaty, a taksama «hłušyłki» sotavaj sietki suviazi i suviazi z dronami.
Usio heta, zhodna z dakumientam, užyvajecca dla «praduchileńnia ŭciokaŭ i inšych złačynstvaŭ, parušeńniaŭ ustanoŭlenaha paradku adbyćcia pakarańnia, a taksama atrymańnia nieabchodnaj infarmacyi ab pavodzinach asudžanych».
ukradzienychkanfiskavanych