Na Mahiloŭščynie zatrymali 19-hadovaha piedafiła
U milicyju źviarnułasia žycharka adnaho z rajcentraŭ Mahiloŭščyny i raskazała pra damahańni susieda da jaje małaletniaj dački. Paviedamlajecca, što jana zaśpieła jaho na miescy złačynstva.
Jak paviedamlajecca, 19-hadovy chłopiec prychodziŭ u dom, kab dapamahčy pa haspadarcy šmatdzietnaj maci-adzinočcy. U adzin z takich vizitaŭ žančyna ŭvajšła ŭ pakoj i zaśpieła maładoha čałavieka ŭ momant ździajśnieńnia złačynstva.
Jak vyśvietliłasia, svaje dziejańni chłopiec ździajśniaŭ na praciahu paŭhoda, nieadnarazova zastajučysia adzin na adzin ź siamihadovaj dziaŭčynkaj.
Padazravany zatrymany, suprać jaho zaviali kryminalnuju spravu za hvałtoŭnyja dziejańni seksualnaha charaktaru ŭ dačynieńni da zaviedama małaletniaj.
Sankcyja artykuła praduhledžvaje da 15 hadoŭ pazbaŭleńnia voli. Pa spravie pryznačany šerah ekśpiertyz, vyśviatlajucca ŭsie abstaviny złačynstva.
Čytajcie taksama:
«Chałaściak biez vyšejšaj adukacyi». U Biełarusi vyznačyli partret typovaha piedafiła
Asudžanaha za piedafiliju eks-režysiora «Jerałaša» vyzvalili ad pakarańnia. Jon vajuje va Ukrainie
U Maskvie piedafił pad vyhladam Ułada Bumahi prymusiŭ dzicia dasłać jamu intymnyja fota
