Jašče adnamu biełarusu, zatrymanamu ŭ Armienii, dali tam palityčny prytułak
Biełarusa Maksima Vajtkiavičusa, zatrymanaha ŭ Armienii na zapyt biełaruskich uładaŭ, vyzvalili i dali jamu palityčny prytułak. Heta adbyłosia 19 červienia.
Maksim Vajtkiavičus
Maksima Vajtkiavičusa zatrymali ŭ lutym pry pierasiačeńni miažy z Armienijaj na padstavie taho, što Biełaruś abviaściła jaho ŭ vyšuk pa spravie ab uchileńni ad słužby. Spačatku jaho zatrymali na 40 dzion, zatym termin byŭ praciahnuty.
U sakaviku Maksim padaŭ prašeńnie ab palityčnym prytułku. Abarona źviartała ŭvahu, što ŭ Biełarusi jon adbyŭ 15 sutak aryštu, jaho pieraśledavali za palityčnyja pohlady ŭ 2020 hodzie. Artur Sakunc, kiraŭnik Vanadzorskaha ofisu Chielsinkskaj hramadzianskaj asamblei, kazaŭ, što ŭ vypadku ekstradycyi da chłopca mahli prymianić katavańni. Urešcie, choć i nie adrazu, ale hetyja arhumienty padziejničali.
Raniej jašče adzin zatrymany biełarus, Jarasłaŭ Novikaŭ, taksama atrymaŭ prytułak u Armienii. Jaho taksama zatrymali na zapyt biełaruskich uładaŭ.
20 červienia Śviatłana Cichanoŭskaja sustrełasia z kiraŭnikom MZS Armienii Araratam Mirzajanam. Baki abmiarkoŭvali stanovišča biełarusaŭ u Armienii, u tym liku i niavydaču biełaruskich hramadzian na patrabavańnie režymu.
Siońnia ž, 21 červienia, u Biełarusi armianskaha pasła vyklikali ŭ MZS, dzie jamu ŭručyli notu, pra źmiest jakoj pakul nie paviedamlajecca.
Čytajcie taksama:
Aryštavany ŭ Armienii biełarus Maksim Vajtkiavičus paprasiŭ palityčnaha prytułku
Biełarus, jakoha aryštavali ŭ Armienii praz vyšuk na radzimie, pieradaŭ list z turmy
Cichanoŭskaja sustrełasia ź ministram zamiežnych spraŭ Armienii
«Vajna pakazała, što na baku Zachadu staić mienšaść. A Armieniju Rasija tak prosta nie pakinie»
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)