U Hrodnie dźviuch dziaŭčat asudzili z-za čyrvona-zialonaha ściaha
19 maja ŭ Hrodnie vynieśli prysud dźvium dziaŭčatam, jakich pryznali vinavatymi pavodle art. 370 (ździek ź dziaržsimvałaŭ). Sud Leninskaha rajona pryznačyŭ 23-hadovym Darji Zajac i Valeryi Drahun pa hodzie pazbaŭleńnia voli z adbyvańniem pakarańnia ŭ papraŭčaj kałonii va ŭmovach ahulnaha režymu, piša «Viasna».
Zhodna z materyjałami kryminalnaj spravy, u krasaviku 2024 hoda dziaŭčaty, budučy niećviarozymi, padpalili dziaržaŭny čyrvona-zialony ściah. Dziela hetaha jany nibyta vykarystoŭvali tronak ad švabry z namatanaj na jaho papieraj, a taksama zapalničku. Abiedźvie dziaŭčyny pryznali svaju vinu.
Sud prajšoŭ u vyjaznym pasiadžeńni na bazie jurydyčnaha fakulteta HrDU imia Janki Kupały. Prysud začytała sudździa Alena Piatrova.
Čytajcie taksama:
Maładoha ajcišnika z Hłuska asudzili na vielizarny termin za danaty
Staŭ viadomy zavočny prysud Leanidu Sudalenku
Pravaabaroncu Valancina Stefanoviča pieraviali ŭ PKT na paŭhoda
