Udvaja pavysiać pamier dapamohi na dziaciej studentam, jakija stali baćkami
Studentam, jakija stali baćkami, u Biełarusi pavysiać pamier dapamohi pa dohladzie dziciaci. Ciapier jon składaje 50% biudžetu pražytačnaha minimumu, a budzie 100%. Pra heta piša Sputnik sa spasyłkaj na staršyniu pastajannaj kamisii Pałaty pradstaŭnikoŭ pa achovie zdaroŭja, fizičnaj kultury, siamiejnaj i maładziožnaj palitycy Valeryja Małašku.
Z 1 maja biudžet pražytačnaha minimumu ŭ Biełarusi ŭ siarednim na dušu nasielnictva — 418,73 rubla.
Pavodle słoŭ Valeryja Małaški, u krainie — dastatkova składanaja demahrafičnaja situacyja. Tamu ciapier prymajucca papraŭki ŭ zakony pa pytańniach dapamoh siemjam, jakija vychoŭvajuć dziaciej.
Uvohule kožny hod naradžalnaść u Biełarusi skaračajecca prykładna na 10%, paviedamili ŭ efiry telekanała STB. Usiaho ŭ krainie — bolš za 1,8 młn dziaciej.
Taksama płanujuć pakinuć śpiecyjalnuju dapamohu na dzicia-invalida paśla taho, jak jamu spoŭnicca 18 hadoŭ. Buduć i vypłaty zamiest alimientaŭ padčas alternatyŭnaj abo zvyčajnaj terminovaj vajskovaj słužby baćki dziciaci.
Čytajcie taksama:
Łukašenka zajaviŭ pra nieabchodnaść skaračeńnia dapamohi šmatdzietnym siemjam i inšych ilhot
Biełaruska naradziła treci raz u 19 hadoŭ i stała samaj maładoj šmatdzietnaj mamaj u krainie
U jakich haradach Biełarusi kolkaść nasielnictva vyrasła z 2000 hoda REJTYNH
Źnižeńnie naradžalnaści va ŭsim śviecie moža adbycca chutčej, čym čakałasia
