Z traich fihurantaŭ «spravy Aŭtuchoviča» spahnali kampiensacyju «naniesienaj škody»
Ahułam spahnali na 40 tysiač rubloŭ.
Z traich fihurantaŭ «spravy Aŭtuchoviča» spahnali kampiensacyju «naniesienaj škody»
Mikałaj Aŭtuchovič byŭ asudžany da 25 hadoŭ pazbaŭleńnia voli, a Pavieł Sava i Halina Dzierbyš — da 20 hadoŭ. Pa viersii śledstva, u vyniku ich dziejańniaŭ byli paškodžanyja aŭto i dom adnaho milicyjanta na ahulnuju sumu 35,8 tysiačy rubloŭ, a taksama aŭtamabil druhoha — na 4,4 tysiačy rubloŭ, nahadvaje «Viasna».
«Pakryćcio škody, pryčynienaj hramadzianam i arhanizacyjam u vyniku akta teraryzmu abo praviadzieńnia kontrterarystyčnaj apieracyi, ažyćciaŭlajecca za košt biudžetu z nastupnym spahnańniem sum hetaj kampiensacyi z pryčyniciela škody ŭ paradku, ustanoŭlenym zakanadaŭstvam», — paviedamili ŭ prakuratury.
Pryznanyja paciarpiełymi siłaviki źviarnulisia z patrabavańniami ab kampiensacyi pryčynienaj im škody i atrymali kampiensacyju ź biudžetu. U svaju čarhu prakuror Vaŭkavyskaha rajona pradjaviŭ pazovy ab spahnańni z Aŭtuchoviča, Savy i Dzierbyš «sum pryčynienaj złačynstvam škody ŭ paradku rehresu».
Hetyja patrabavańni byli poŭnaściu zadavoleny, rašeńni ŭstupili ŭ zakonnuju siłu.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)