U Homieli pradajuć budynak, jaki vykarystoŭvaŭ KDB. Budynak možna kupić pad luby biznes, akramia rytualnaha
Na elektronnaj handlovaj placoŭcy vystaŭleny na prodaž budynak «nieŭstanoŭlenaha pryznačeńnia» pa vulicy Šaŭčenki ŭ Homieli. Havorka idzie ab nieprykmietnym domie niedaloka ad aŭtavakzała.
Fota: Homielabłmajomaść
Jak piša «Fłahštok», raniej žychary Homiela mahli zaŭvažać, jak pad domam rehularna parkavalisia niekalki aŭto, pry hetym vokny amal zaŭsiody byli začynieny raletami.
Pavodle infarmacyi «Fłahštoka», farmalna budynak adnosiŭsia da Ministerstva abarony, ale vykarystoŭvaŭsia miascovym upraŭleńniem KDB. Potym čekisty admovilisia ad ekspłuatacyi pabudovy z-za taho, što jon znachodziŭsia ŭ avaryjnym stanie.
Budynak z boku vuł. Rahačoŭskaj u 2023 hodzie. Fota: Jandeks
Ciapier harvykankam vystaviŭ budynak na elektronny handal pa canie 375 tysiač rubloŭ (bolš za 115 tysiač dalaraŭ). U pamiaškańni płoščaj bolš za 400 kvadratnych mietraŭ patencyjnamu pakupniku prapanujuć adkryć ofis pa davańni lubych sacyjalnych pasłuh, akramia rytualnych.
Tut mohuć raźmiaścić ustanovu achovy zdaroŭja, biuro navukova-daśledčych, prajektnych, kanstruktarskich arhanizacyj, infarmacyjnych centraŭ, hramadskich arhanizacyj, archivaŭ. Taksama možna budzie vykarystoŭvać budynak jak spartzału abo dla bytavoha absłuhoŭvańnia nasielnictva, akazańnia vieterynarnych pasłuh.
Čytajcie taksama:
U Hrodnie za 120 rubloŭ pradajuć ceły štab. Ale jość niuansy
U Čačersku znoŭ sprabujuć pradać za biescań staradaŭniuju siadzibu
Pradajecca mikralecišča płoščaj usiaho siem kvadratnych mietraŭ. Cana taksama mikraskapičnaja
