MUS choča karać padletkaŭ za ałkahol i viejpy
Uvieści pakarańnie źbirajucca da vieraśnia.
MUS prapanuje karać padletkaŭ za ŭžyvańnie ałkaholu nie ŭ hramadskich miescach. Pra heta raspavioŭ načalnik adździeła arhanizacyi pracy inśpiekcyj pa spravach niepaŭnaletnich upraŭleńnia prafiłaktyki HUAPP MUS Alaksandr Bliźniuk, jakoha cytuje sajt MUS.
«Ciapier padletku nielha pić tolki ŭ hramadskich miescach, a voś za toje, što jon padymie čarku ŭ kvatery, pakarać jaho nielha, a heta niapravilna. Da prykładu, u Rasii i Kazachstanie za takija dziejańni dzicia niasie administracyjnuju adkaznaść.
Saviet ministraŭ daručyŭ nam staranna prapracavać hetaje pytańnie i da vieraśnia ŭzhadnić z usimi zacikaŭlenymi dziaržorhanami», — adznačyŭ Bliźniuk.
Taksama viedamstva prapracoŭvaje pytańnie zabarony vykarystańnia niepaŭnaletnimi viejpaŭ-elektronnych sistem kureńnia. Za heta taksama płanujuć karać.
