Pavietrany šar ź biełaruskimi kantrabandnymi cyharetami pryziamliŭsia prosta ŭ litoŭski punkt propusku
Vadzicieli i pasažyry ŭ «Šalčyninkai», jakija pierasiakali litoŭska-biełaruskuju miažu, stali śviedkami niezvyčajnaj karciny — prosta ŭ punkcie propusku pryziamliŭsia vializny pavietrany šar.
Fota: vsat.lrv.lt
Pavodle litoŭskich pamiežnikaŭ, na mietearałahičnym aerastacie ź biełaruskaha boku ŭ Litvu sprabavali pierapravić 1250 pačkaŭ cyharet. «Miarkujučy pa ŭsim, kantrabandystam nie chapała viedaŭ ab tym, jak taki niekiravalny pavietrany šar dastavić hruz u zapłanavanaje miesca», — ličać pamiežniki.
Akramia cyharet NZ Gold Super Slims ź biełaruskimi akcyzami, da šara byli prymacavanyja GPS-pryłady dla vyjaŭleńnia hruzu.
Z-za zakryćcia punktaŭ propusku, uzmacnieńnia achovy miažy i pa inšych pryčynach kantrabandysty ŭsio čaściej vybirajuć «dystancyjnyja» sposaby transparciroŭki cyharet. Aproč bieśpiłotnikaŭ, stali vykarystoŭvać mietearałahičnyja aerastaty. U 2023 hodzie ŭ Litvu ź Biełarusi prylacieli try šary z kantrabandnym hruzam.
Čytajcie taksama:
Stała viadoma pra asobu zastrelenaha na biełaruska-litoŭskaj miažy kantrabandysta
Bolš za 30 tapielcaŭ ad pačatku hoda. Čamu ŭkrainskaja pamiežnaja raka Cisa zabiraje žyćci?
