Maładoha pradprymalnika zatrymali za kamientary ŭ telehramie. Jon daŭno vydaliŭ ich, ale heta nie dapamahło
Zatrymańnie adbyłosia tydzień tamu, ale hubazikaŭcy pakazali Kiryła Čaladzinskaha tolki zaraz.
Kirył Čaladzinski. Fota ź jahonaj staronki Ukantakcie (archiŭnaja kopija)
Zatrymanaha zvać Kirył Čaladzinski. Jamu 35 hadoŭ, jon minčuk. Mužčyna maje nievialiki biznes — handluje hadzińnikami. U Kiryła jość žonka i dzicia.
Kiryła zatrymali trochu bolš kala tydnia tamu — jon byŭ anłajn u telehramie i «Ukantakcie» jašče 9 červienia. Jaho vinavaciać va ŭdziele ŭ pratestach i napisańni kamientaroŭ u telehram-čatach. Viadoma, što jon ich vydaliŭ, pryčym davoli daŭno, ale, imavierna, jany zachavalisia ŭ «archivach» HUBAZiKa.
Akaŭnt Čaladzinskaha ŭ telehramie zusim nie abaronieny — tam staić jahonaje fota, i jon pryviazany da ŭłasnaha biełaruskaha numaru telefona.
Na žal, kali vy kamientavali niešta ź nieabaronienaha telehram-akaŭnta abo z ułasnaha akaŭnta ŭ sacsietkach, to nie isnuje sposabu, kab stoadsotkava abaranicca ad zatrymańnia. Možna tolki źmienšyć ryzyku: naprykład, vydalić kamientary ŭ telehramie i pierastvaryć akaŭnt, pačyścić sacsietki i łajki ŭ ich ci zrabić vašy novyja akaŭnty ananimnymi.
Ale źviestki zastanucca ŭ archivach śpiecsłužbaŭ i admysłovych botach, a vydalić ich adtul niemahčyma.
«Naša Niva» — bastyjon biełaruščyny
PADTRYMAĆČytajcie taksama:
Ja vydaliŭ Telegram-akaŭnt. Ja ŭ biaśpiecy?
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć
