U Mastoŭskim rajonie baćka amal hod rehularna źbivaŭ svajho 10-hadovaha syna
Prakuratura Mastoŭskaha rajona nakiravała ŭ sud kryminalnuju spravu pa abvinavačvańni 47-hadovaha miascovaha žychara ŭ katavańni svajho syna, paviedamili ŭ pres-słužbie viedamstva.
Fota ilustracyjnaje
Zhodna z materyjałami spravy, mužčyna z maja 2023 hoda pa 8 krasavika 2024 hoda nie mienš za 11 razoŭ źbiŭ svajho 10-hadovaha syna. Šmatdzietny baćka nanosiŭ dziciaci ŭdary papruhaj albo rukami pa roznych častkach cieła.
Svaje dziejańni mužčyna tłumačyŭ pracesam vychavańnia. Naprykład, jon biŭ syna za toje, što jon drenna pavodziŭ siabie ŭ škole, parvaŭ štany pry katańni na rovary abo zajšoŭ u pakoj u niepažadany dla baćki čas.
Mužčynu vystavili abvinavačvańnie pa č. 2 art. 154 KK («Katavańnie, ździejśnienaje ŭ dačynieńni da niepaŭnaletniaha»). Jon znachodzicca pad vartaj.
Akramia taho, da adkaznaści pryciahnutyja čatyry słužbovyja asoby, u abaviazki jakich uvachodzić sačeńnie za situacyjaj u prablemnych siemjach: try ź ich pryciahnutyja da dyscyplinarnaj, a adna — da materyjalnaj adkaznaści.
Čytajcie taksama:
U Biała-Padlascy dva biełarusy źbili palaka. Palicyja śćviardžaje, što biez daj pryčyny
U Pružanskim rajonie 15-hadovy padletak da śmierci źbiŭ baćku
U Barysaŭskim rajonie maci pakusała i źbiła telefonam paŭtarahadovaha syna
