Aryna Sabalenka prapuścić Alimpijadu ŭ Paryžy
Čym jana heta tłumačyć?
Fota: Mike Hewitt / Getty Images
Treciaja rakietka śvietu biełaruskaja tenisistka Aryna Sabalenka zajaviła, što nie vystupić na Alimpijskich hulniach u Paryžy (Francyja). Pra heta paviedamlaje žurnalist Marya Bakardzi ŭ svaich sacsietkach, piša Championat.com.
Propusk Alimpijady dvuchrazovaja čempijonka turniraŭ «Vialikaha šlema» patłumačyła pierahružanym kalendarom i składanaj źmienaj pakryćciaŭ.
Eks-pieršaja rakietka śvietu Sabalenka hulała na Alimpijadzie ŭ Tokia ŭ 2021 hodzie, dzie prajhrała ŭžo ŭ druhim kruzie.
Alimpijski tenisny turnir u Paryžy adbudziecca z 27 lipienia pa 4 žniŭnia na hruntavych kortach.
Nahadajem, što biełaruskija tenisisty brali miedali tolki ŭ Łondanie-2012.
Viktoryja Azaranka i Maksim Mirny zavajavali zołata ŭ mikście, Viktoryja taksama ŭziała bronzu ŭ indyvidualnym razradzie.
Čytajcie taksama:
Biełaruska z Polščy chacieła vystupać na Alimpijadzie jak niejtralnaja spartsmienka, ale nie zmahła
MAK nazvaŭ imiony pieršych biełaruskich spartoŭcaŭ, dapuščanych da Alimpijady
Za paŭtara miesiacy da Alimpijady ŭ Sienie vyjavili kišačnuju pałačku
Stała viadoma miesca praviadzieńnia Zimovaj Alimpijady — 2034
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)