U Hiermanii zabili byłuju sudździu z Kazachstana. Jaje śviakroŭ z Rasii źnikła bieź viestak
U niadzielu cieła Ajhul Sajłybajevaj znajšli ŭ karjery na ŭskrainie Biejnschajma.
Bild
40-hadovaja Ajhul Sajłybajeva pracavała sudździoj u Astanie, ale apošnim časam žyła z mužam, dačkoj i śviakroŭju ŭ horadzie Bienschajm na zachadzie Hiermanii, piša Bild.
Ranicaj 4 červienia Sajłybajeva adviała dačku ŭ dziciačy sadok. Z taho času jaje nichto nie bačyŭ. U niadzielu jaje cieła znajšli ŭ karjery na ŭskrainie horada. Pa danych Bild, trup byŭ u płastykavym miašku, pierad śmierciu žančyna padvierhnułasia hvałtu.
Nad razhadkaj zabojstva pracujuć 35 śledčych. U domie žančyny prajšli pieratrusy.
Adnačasova z Sajłybajevaj źnikła jaje 49-hadovaja śviakroŭ Natalla Dancova. Viadoma, što 4 červienia jana zabrała ŭnučku ź dziciačaha sadka i pryviała dadomu. Z taho času babulu nie bačyli.
Pa dadzienych BILD, samo dzicia cełaje, jaje pieradali na apieku svajakam. U Hiermaniju z Kazachstana prybyli maci i brat Sajłybajevaj, paviedamili siońnia ŭ MZS Kazachstana.
Brat raskazaŭ, što siastra skardziłasia na chatni hvałt. Ciapier praciahvajucca pošuki Dancovaj i ŭstanaŭlivajecca suviaź pamiž dvuma źniknieńniami.
